قمر بني هاشم

[فلسفة واقعنا...]

قمر بني هاشم **** عالعلقمي نايم
والرايه عالجفيـن

****************

ترسملي أقلام الحزن === هاي المصيبه العظمى
امصيبه تفت صم الصخر === اودلالي ذاب ابهمه
عباس أبوفاضل وقـع === ابكتر الشريعه جسمـه
وبكتره طاحت رايته === اوجـوده انترس من دمه
والهامه فضخوها *** بالعمد صابوهـا
والسهم صاب العيــن
والرايه عالجفيـن

*****************
امصيبة الجافـل قاسيه === اولو بيها زينب تعلــم
جان انمـرد منها القلب === اومزجت مدامعهـا ابدم
راح الجفلهـاوالخـدر === مـن العده مايسلــم
تتيسـر اويـه العايلـه === واعلى الهظم تتحـــزم
اوبعد التجفلهـا *** كوم العـده اتذلهـا
اوتتوجر اصواويـــن
والرايه عالجفيــن

***************
لوزينب اتشوف القمر === مـتقطعــه جفينـه
والهامه مهشـومه ابعمـد === والنبلــه صابت عينه
شيصيـر بيهـا الطـاهره === بنت الوصي والينــه
لاشك قلبها ايشــب جمر === والقلب الله يعينـــه
جمر القلب يلهب *** ومن الحزن تنحب
اوتندب يبـو الحسنيــن
والرايه عالجفيـــن

******************

حتى اليتامــه والحرم === لو تعلم ابواليهـــا
أصبـح وذر عالعلقمي === شنهو الليصير اعليها
تتمنى ماراح اوإخـذ === جوده الأجــل يرويها
اولجل الكمر تنسى الظمه === اوتنسى المصاب البيها
اعليها القمـر غالي *** اوماحسبت تالـي
يلفي قمــرها البيـــن
والرايه عالجفيــن

********************
وحسين أبو اليمه لون === شاف العضيده امـوذر
مايحتمـل هذا الوضـع === ابهالفاجعــه يتأثـر
يصـرخ شمت بيه العدو === اوظهري انحنه واتكسر
ويعوفه دامي اعلى النهر === شبل الصميده حيدر
ولخيمته من ايعود *** إيوقع العامـود
اووسط القلب جرحين
والرايه عالجفيــن

*********************
من نجتمع يوم الحشر === ننظر وديعة طاها
بيديها جفين القمر === اوثوب الحسين اوياها
اوللباري تشجي فاطمه === اويسفح دمع عيناها
ذبحوا بنيني ابكربله === واصبح حلال ادماهـا
والحشر كله ايشوف *** ترفع الزهره اجفوف
اوتطلب ابدم احسين
والرايه عالجفين

*******************
و سلاـأمتـــكــم
الشاعر ..: حامد البدري

<< -- ملتقى الشعراء

[سيهاتي....]