عَـزفُ عَلـىً الآهَـآتْ

[عـازف الآهـات]

مرتبك ,, خايف ,, وألخبط فالكلام
كل هذا يصير لي دايم معك

لأتصلت وجيت ببدأ بالسلام
ضعت مع صوتك ورحت آودّعـك

صوتك أحلى صوت من ألفين عام
الأصمّ يموت ودّه يسمعك

يابَعَدهم والله إنـّي ماأنام
كل وقتي لك فدى لو ينفعك

لا وحشتك والمساء خاف الظلام
لايردّ الزر الأخضر أصبعك

سولفي لي عن حنينك والهيام
واتركيني في خفوقي أزرعك

دايم أطلب منك عربون الغرام
بس مدري كيف بأقدر أقنعك

دايم اتقولين لي ( عيب وحرام )
وكنـّـك اتقولين لي ( الله معك )

[عـازف الآهـات]

ياكثر ماجتني ( أحبّـك ) بلا احساس

من ناس ماقابلتهم في حياتي


وأسكت وأطنـّشهم وأقارن بك الناس

وألقاك غير الناس يأغلى أمنياتي

[عـازف الآهـات]

ماتدوم الصداقة والمحبة تدوم )

لاتقول الصداقة فالزمن دائمـة


ألف صاحب نساني ماذكرني في يوم

وألف صاحب مسحت اسمه من القائمة

[عـازف الآهـات]

لاصار مافي حياتك بنت :

وش هو له تشيل جوالك ؟

[عـازف الآهـات]

ماينفتح قلبي لبعض الأوادم

والبعض من قبل يتكلم أحبّه

[عـازف الآهـات]

غيابك جاب لي حزن ودموع وشيّ ماينطاق
غيابك ماقدرت أتحمّـله بالذات فـ غيابك

حبيبي هو أنا بس الوحيد العاشق المشتاق ؟
حبيبي هو أنا بس الوحيد اللي تغنـّى بك ؟

يحبّك كل هذا الكون واحسب كم معي عشّاق ؟
أنا والطير والماء والسحب والشمس وأحبابك

وأنا بس الوحيد اللي معك ربي كتب لي فراق
وهم في كل يوم آشوفهم دايم على بابك

حبيبي لاتلوم الصدر لو هو في غيابك ضاق
ولاتلوم العيون إن غمّضت بالدمع بأسبابك

غيابك جاب لي حزن ودموع وشيّ ماينطاق
غيابك ماقدرت أتحمّـله بالذات فـ غيابك

[عـازف الآهـات]

نغمة الجوال صارت ضحكتك

بس حتى ضحكتك فيها حزن

[عـازف الآهـات]

أحيان لامن فقدتك تنزل دموع
وأحيان أخبّي غلاك ودمعة العين

لقياك ماهي حكاية ورد وشموع
وفرقاك ماهي نهاية عشرة سنين

لو غاب طيفك معك , لك صوت مسموع
وأشتاق وأقول لك ( طيّب وبعدين )

كم ليلة ً جيت لك والراس مرفوع
كم ليلةً رحت منك وخاطري شين

كم ليلة ً جيت أبيك ورحت مفجوع
كم دقّ قلبي عليك وماترديّـن

أسبوع يقبل عليّ ويقفي أسبوع
وأحاول أحيا بذكرك وأقتل البين

وإن كان شفتي حبيبك كيف موجوع
وقريتي اللي كتبته عنك هالحين

مابيك تبكين , ماأحتاج لدموع
محتاج رجعتك لي , مابيك تبكين