عَـزفُ عَلـىً الآهَـآتْ

[عـازف الآهـات]

اليوم هبّت رياح الشوق وانساقت
أحزان مدري وش آخرها وش أولها

الأرض ضاقت بعيني والسماء ضاقت
والضيقة اللي في صدري ماتحملّها

بنت الأكابر يمرّ الليل مااشتاقت
وأنا من الشوق أرسل من رسايلها

[عـازف الآهـات]

ياحلو صوتك هديل ودق طبل وعزف عود وطرب
فيه الدلع والنعومة والحياء , سبحان ربٍ عطاك

أشتاق له كل ليلة وأفقده وأكتم بقلبي عتب
مابي أقوله أخاف يبين حبّي لك وأعكّر صفاك

ياطفلة الروح مرّ الشهر ماشفتك بحالة غضب
لبّى هدوئك يخلّيني أروّق كلما أجلس معاك ..!

[عـازف الآهـات]

من عيون الناس جيتك , خبّني
داخل عيونك يابو قلبٍ خلي

ماسهرت ألاّ عشان تحبّني
وأنت نام وغمّض عيونك علي

[عـازف الآهـات]

تقويم الأسنان هي تلبسه للزينة
ماهي مثل من لبسه يضبّط سنونه

حطّته لكن وربّي ماغدت شينة
احلوّت أكثر وصارت حيل مزيونة ..!

[عـازف الآهـات]

قلت لأصحابي : بترجع هي أكيد
كلّهم قالوا : ( يجيب الله مطر )

[عـازف الآهـات]

بعض النساء همّ ..!
وبعض النساء غمّ ..!

بس أنتي أصلاً غير
ليت النساء مثلك ..!
لامن تبسّمتي غدى فمّك عسل
وليا ضحكتي يجتمع كل النحل
ياخذ عسل ويطير ..!

لكن إلى منّك زعلتي
صدر المملكه يضيق ..!
ومن قبل تنزل دمعتك
جتك السماء تبكي معك
ودموعها ماهي مطر
لاوالله ألاّ دمّ ..!

تبسّمي يالله

[عـازف الآهـات]

أنا كذا في غيبتك من رحلتي
لاقادر أخونك ولا قادر أنساك ..!

[عـازف الآهـات]

دايم تقصّر بحقي وأنت يالغالي
لو جيت تطلب عيوني قلت لك خذها ..!