الثمانين في عشق الحسين
أخدمك بالشــــــعر بالدم يبو اليمه
شرف عمري يخدمك خادمك أسمه
العمر دونك حبيبي وداعــتك ظلمه
أذوبن لو سمعت الصرخة والكلمه
حبيبي حسين منار العين
شرف عمري يخدمك خادمك أسمه
أنه أمسجل حياتي بأســمك وأفخر
الك أشواكي تكثر بالعـــــشك تكبر
شرف كلي معزه خادم الــــــــمنبر
الك صوتي يردد والــــــفكر يشعر
أمير أكلوب بيك أيذوب
الك صوتي يردد والفكر يشعر
علي صدري أحملت يا سيدي أوسامك
أنه خادم الك واخــــــــــــدمها خدامك
حلم عمري تراب وتســــــحكه أجدامك
العمر فدوه الك يا هيبة اســـــــــــلامك
يظل للموت هذا الصوت
علي صدري أحملت يا سيدي أوسامك
أنه ابلاياك شجرة ما يمرها الماي
أنه ابلاياك أعمه وما تصد عيناي
صلاة الروح أنته وقبلتي ورجواي
الك يصرخ ظميري والبشر وياي
أبدم افديك روحي اهديك
صلاة الروح أنته وقبلتي ورجواي
يروح الروح حبك مالك الانـــــــــفاس
زرعت اسمك ابكلبي شلته فوك الراس
حبك رحمـــــــــة الله نزلت اعله الناس
اسمك بالقداسه وبالـــــــــشرف ينباس
دوم اوياك ما ننساك
يروح الروح حبك مالك الانفاس
مثل عابس وجون ابحبك انـــجنيت
ابعيوني وبالقلب وسط القلب خطيت
حروف اسمك يغالي ابهيبتي حسيت
حبيبي ونور عيني وســــيدي ناديت
أنه الخادم الك قادم
مثل عابس وجون ابحبك انجنيت
الك لوحة عشك مرسومه في عيني
الك صورة أثر مطـــــــبوعه بجبيني
يمسره الدم تعيش انت ابـــــشراييني
والك نبضات قلبي تهتف أحــــسيني
نبض قلبي وسحر حبي
يمسره الدم تعيش انت ابشراييني
الك ثورة عشك بشواكي متفجره
حبيب الله ورسوله ووالد العتره
حبك جيش روحي وبيـ متأسره
أسير ابجيش حبك سيدي وأقرأه
ودليلي ايطوف عليك وشوف
الك ثورة عشك بشواكي متفجره
أنه من المهد عاشــــــــــك الك يحسين
أملكت روحي وحياتي ومهجتي والعين
القلب شاهد عليه واللقب والــــــــحين
اعله حبك سيدي سميته ابــــني حسين
ورود الروح الك وتفوح
أملكت روحي وحياتي ومهجتي والعين
أكومن أكعد أبفراحي وأحــــزاني
يرافكني العشك ويهزهز اركاني
ابصلاة الليل اشوفك انته ايماني
يقرآن الفجر حبــــــــــك يقرآني
ومناجاتي يا آيآتي
ابصلاة الليل اشوفك انته ايماني
الحبيب الله حبيبه وظنوته وروحه
العلي الكرار شوفك بلسم اجروحه
كلمة شوك بأســـــمك والله مملوحه
الشعر من غير اسمك يشعر ابنوحه
الك اشعار بقت تذكار
كلمة شوك بأسمك والله مملوحه
أنه ابدونك حياتي وحشه ما تنراد
يموت العمر لو ما حب ابو السجاد
حقيقة واضحة مو بدعه لا واعناد
المراد ايريد منك ينخه راد امراد
اظل اهواك واكر عيناك
أنه ابدونك حياتي وحشه ما تنراد
يريدونه نعوفـــــــــــــك يا منار العين
نعوف احسين صحنه ونعشكك يحسين
مثلك وين نلكه وين وين امـــــــــــنين
حسين الدين يبقه والحـــــــسين الدين
نعوف حسين نحب حسين
حسين الدين يبقه والحسين الدين
الشرف معنى الشرف حبك يمحبوبي
المعزه انته المعزه وهيــــــبتك ثوبي
يل حبك سلاحي يــــــــــجلي لذنوبي
واسمك كل حياتي وشوكه مــــطلوبي
خير وسور انته ونور
يل حبك سلاحي يجلي لذنوبي
اســـــــمك عزة الله وحبك الغيره
جميل الطبع وصفك طاهر السيره
وجود الكون انته وحــــــدك اديره
يحل كل مشكله شوكك وكل حيره
ملآذ الناس يا نبراس
يحل كل مشكله شوكك وكل حيره
امام الرحمه انت وبسلم المجروح
ظمير القلب انته يا امـــــــام الروح
على اعتابك سجد النور ظل مطروح
لأن انته وجوده وبيـــــك ظل مملوح
نور النور ظل مبهور
على اعتابك سجد النور ظل مطروح
سلام الله اعله حائك حوت حلم العين
سلام الله اعله سينك سمو بيت الدين
سلام الله اعله يائك يقيــــن المؤمنين
سلام الله اعله نونك نعم مالك التكوين
سين وياء نون وحاء
سلام الله اعله سينك سمو بيت الدين
الثمانين في عشق الحسين
كلمات
كليم الحسين بسام الشمري
قريبا سوف تسمعونها
ونسالكم الدعاء