كلمة حبيبي ـ سلوان الناصري
كلمة حبيبي تنوح تذرف دمعها
صاحت بعالي الصوت محد سمعها
وين رايح وين ياأبو شبلين
صاحت بعالي الصوت محد سمعها
*******************
كلمة حبيبي اتعيش تجري ابرحابك
يصادر وين اتروح هسه بغيابك
انگول الك حنيت يمته ترد للبيت
بعض اللسن مولاي كسروا ضلعها
*******************
كلمة حبيبي تنوح تذرف دمعها
صاحت بعالي الصوت محد سمعها
وين رايح وين ياأبو شبلين
صاحت بعالي الصوت محد سمعها
*******************
هالكلمة چنها أنسان تحمل مشاعر
يفهمها دمع العين باطنها ظاهر
تحچي بلسان العين ياصدر لا ياحسين
ها العصر وأنت اتشوف فگدك فجعها
*******************
كلمة حبيبي تنوح تذرف دمعها
صاحت بعالي الصوت محد سمعها
وين رايح وين ياأبو شبلين
صاحت بعالي الصوت محد سمعها
*******************
تاخذنا لك مرات نلفظها نبچي
تسكت بغير اللسان ماترضى تحچي
من اسمعها من الغير حرسه الأذان اتصير
وأنت أدرى بيها هواي تفهم طبعها
*******************
كلمة حبيبي تنوح تذرف دمعها
صاحت بعالي الصوت محد سمعها
وين رايح وين ياأبو شبلين
صاحت بعالي الصوت محد سمعها
*******************
صاحت وچان الصوت مثل اليتامه
كلما يمر العيد محنيه هامه
چيف أنت ماموجود
لبست اهدوم السود
مشتاگه لك مولاي يومك صدعها
*******************
كلمة حبيبي تنوح تذرف دمعها
صاحت بعالي الصوت محد سمعها
وين رايح وين ياأبو شبلين
صاحت بعالي الصوت محد سمعها
*******************
مشتاگه الك لليوم بينا اتحسر
نسمعها چن كل يوم بالله أكبر
صارت بأذان الناس ياصدر والعباس
حسره بتذليل الناس ماكو ابوسعها
*******************
كلمة حبيبي تنوح تذرف دمعها
صاحت بعالي الصوت محد سمعها
وين رايح وين ياأبو شبلين
صاحت بعالي الصوت محد سمعها