[عـازف الآهـات]

بحكي لكم قصه عن انسان مسكين
ربـى يتيـم وكـان رابع خواتهـ
\
/
ابوه مات و لا ترك لأمهم شين
ماغــير رحمة ربهم في وصاتهـ
\
/
عاشوا على شغل امهم بالفساتين
وياحسين ود الثوب ياحسين هاتهـ
\
/
بأول حياته جرّب الشين والشين
هو فيه زيـن يجربه في حياتهـ
\
/
ان راح يلعب عيروه البزآرين
واذا رجع للبيت مو من حلاتهـ
\
/
يسمع كلام امه عن الفقر والدين
ويضيق فيه الكون بأربـع جهاتهـ
\
/
يعني بَنَت مستقبله دمعة العين
مـا عاد تفرق عن حياته ممـاتهـ
\
/
كبر وصار اكبر حرامي دكاكين
يسمع بفقـر الذيب والا غناتهـ
\
/
لين امسكوه وصار له اربع سنين
يدعي لرب البيـت بآخر صلاتهـ
\
/
(يارب) تشملني بعفو المساجين
وتفرج عـن اللي يرتجنّه خواتهـ