[عـازف الآهـات]

وشلون حالي من بعد ما تروحين ؟
, , ~ وشلون اببقى عايشٍ في غيابك ~
أنا تعبت الحين ..! وشلون بعدين ؟
, , ~ لامن قفلتي دون الأشواق بابك ~
شوفي دموع العين وانتي تعرفين
, , ~ إنّ الذي حبك بدا وانتهى بك ~
يعني هواي اللي به الناس دارين
, , ~ ما حرّك شعورك ونـبّه جنابك ؟ ~
يعني كذا تقفين عني وتبطين
, , ~ وعيوني المسرا وقلبي زهابك ~
يمكن 'غراب' البين غنّى على البين
, , ~ ويمكن على الفرقا عجوله ركابك ~
ياغايتي تكفين وان قلت تكفين
, , ~ ما قلتها لو ما ذبحني عذابك ~
ياللي حرمتي عآشقك نومة العين
, , ~ الله لا يجزى زمان غدى بك ~
يا غايبه آمين "من قلب" آمين
, , ~ الله يعيض اللي هواك وشقى بك ~