أسيل:يمة انا بروح ويا رفيجتي اللحين بتمرني وبروح لبيتهم عازمتني
سلوى:هيه ع بالك احنا بالكويت؟
أسيل:لا هي بتاخذني ويا السايق شوي ماراح اتأخر وعد!!
سلوى:أي رفيجة؟
أسيل:شروق الي أول معاي في الثانوية بس رجعت للسعودية
سلوى:ايه عرفتها..بس انا مو مرتاحة لها
أسيل:يمة انا مرتاحة لها وهذا يكفي..ماراح اطول
سلوى:اكيد
أسيل:اكيد
سلوى:الليلة العزيمة في بيت بنت خالتي فوزية لاتنسين
أسل:وانا أقدر انسى يالله البنت واقفة تنطرني برى..مع السلامة
سلوى:مع السلامة
أسيل راحت مع شروق لبيتهم واخذت معاها صورة لنواف ولها هي اسيل وسوت فبركة بالصورة لان شروق كانت فنانة بالكومبيوتر وتعرف تسوي هذي الشغلات كانت أسيل تخطط على انها تخلي ريما تشوف الصور
: : :
ريما لبست تنورة لونها بني وفيا نقشات مع تحت بالبرتقالي..كأنها قصيرة مع قدام وطويلة مع وراء وبدي لونه برتقالي موديلة الي صاير متجعد وفيه ترتر بالبني وبلوزة فوق البدي قصيرة لونها بني شعرها صاير روعة ملفوف ورفعت غرتها بمشبك برتقالي
حطت ميكياج خفيف شدو ناعم وبلاشر وطبعاً روج هادئ..
راحت مع خالتها أم نواف لبيت ام سعد..ريما كانت ماخذة هم من العزيمة ومقابلة أسيل الدلوعة اللحين تتكلم عن نواف ياربي تساعدني
سلوى:ما شاء الله ياريما الصراحة انيقة بشكل
ام سعد:ريما كل شيء انيقة فيه
ام نواف:اكيد كنتي ..والله انك صادقة ياختي
أسيل:أكيد بتصير انيقة وريلها نواف يحب الكشخة دايماً
ام نواف:لا يا أسيل ريما من قبل ما تتزوج وهي معروف عنها شياكتها
سجى تهمس:الله يعينيج يا ريما على أسيل..
سماء بصوت واطئ:هي مقهورة ان نواف ما تقدم لها وهي ميتة علية
سجى:ايه صج هي تحبة من زمان بس خلاص الولد تزوج المفروض تترك البنت في حالها
سماء:ايه تتركها بس مو عند أسيل الغثيثة لازم اروح ايلس عند ريما..ريما انسانة طيبة وعسل
سجى:حتى انا احب سواليفها
ريما:شخباركم سما وسجى
سما:بخير الله يسلمج
سجى:تمام
ريما:وين رحتوا من جيتكم للرياض
سما:ابد مارحنا غير الفيصلية
ريما:مارحتوا للمملكة؟
سجى:تخيلي ماعمري دخلتها وكل العالم تحجى فيها
ريما:غالي والطلب رخيص يوم من الأيام راح امركم مع السواق ونروح كلنا
سما:صج؟
ريما:اكيد صدق بس انتم تبون
سجى:أي والله فلــــّه
سما:ياليت ياريما والله انج شي
ريما:هههههه تسلمين حبيبتي
تهاني:والله الكويت حر مانقدر نطلع الا والمكيفات شغالة
ام نواف:عندنا وعندكم خير..كلنا نموت حراساساً الخليج كلها حارة
ام سعد:اكيد ترى احنا بوسط الصحارى وش قالوا لكم في ربوع فينا
ريما:أي والله اكيد بتصير حر..لاخلا ولاعدم من المكيفات
سلوى:الله يعين ويسلم المكيفات
|