[عـازف الآهـات]

تحمل هـ اللقا وإسمع كلام الضايق المخنوق
أبي تسمع كلامي .. وبعدها لآتلمس يميني ..!





أمانه لاطريت بخاطرك ودي تطالـع فوق
وتذكر ربك اللي في غيابك كيف مبليني ..!





وتذكر وش كثر مابي من عتاب وحنين وشوق
وإذا ودك تعرف اللي بقى..بس ناظر فـ عيني ..!




وطالع كـم دمعه وقفت في جفـني المحروق
وطالع كـم دمعه ودعت في راحـة يديني ..!




أنا وش حاجة عيوني لـ الدمـوع إن مابقى مخلوق
سـواك أذرف له أغلى ماعلي وماعلى سنيني ..!




أنا وإنغبت وين ألقى صباح ..! وين لي بـ شروق
.ولا أدري لارحلت شلون أبلقى فرحةٍ فيني ..!





ياخلي ..!
يابعد كل النظر ..
شف طيرك المطلوق ..
تعب يلقى سما تحضن حنانه .. وجاك يشكيني ..!

وأمانه لا طريت بخاطرك ..ودي تطالع فوق
وتاخذ طيرك المطلوق..بين يديك.. وتجيني ..!