[المنار الشمري]

حبيبي يا وطن يا اغلـــى محبوب
آنه ابغربه وذكرتك وكت الغروب
ذكرتك انته وامي بكيت وفار دمي
أنه ابلاياك شمعه ابنارها اتذوب
حبيبي يا وطن يا اغلـــى محبوب

حبيبي يا وطن يا سيد الاوطان
ذكرتك بالغرب وأبوكت الاذآن
تسبح بأسمك الروح تناجي عمري مجروح
أتوب امن العشك عنك فلا اتوب
حبيبي يا وطن يا اغلـــى محبوب

عراق اسمك عريق ويسري بدماي
يل اسمك عراق احــــــسين مولاي
علي حامي دخيله يون قلبي اشتكيله
عراقك يا علي من جاره مصيوب
حبيبي يا وطن يا اغلـــى محبوب

الك مشتاق ارد واشــــتم ترابك
واداوي ابدمعتي جرحك عذابك
جروحك تنزف اجروح انه ابلاياك مذوبح
جريح انته ابمـــهابه ودوم مهيوب
حبيبي يا وطن يا اغلـــى محبوب

الك مشتاك اشوفن ناسي وامي
وابعيدك أعيد وانـــــــسه همي
مسية العافيه اعليك دعيت الله يخليك
عراق حسين انته ابقلبي مكتوب
حبيبي يا وطن يا اغلـــى محبوب

منو مثلك جريح وثغره ضـــــاحك
وعلى اخشوم الشماته جدمه ساحك
عليك الروح صلت عليك الدمعه هلت
على افراكك اون مأتم منصوب
حبيبي يا وطن يا اغلـــى محبوب

كلمات
كليم الحسين بسام الشمري