[عـازف الآهـات]

يا صاحبي ببدآ انا بس من وين
من وين اببدآ بقصة الجرح فيني

حزين شفني داخلي الف سكين
كل الوجع في دآخلي يحتويني

وانا بعد ربي خلقني على الدين
اضحك و اجامل بس حزني دفيني

سجين للكرسي من سنين لـ سنين
حتى تعوّدنا بعض يا سنين

حلم بنيته يـ احلآم المساكين
من هـ التعاسه تنقرآ وسط عيني

ذنبي فقير وماعرفت الملآيين
ذنبي عشقت وذنب خلّي يبيني

ربي خلق لي عقل واحساس و ايدين
وقلبي كبير وكلهم عارفيني

والطفله اللي وسط نبض الشرآيين
وش ذنبها دآيم تجي ترتجيني

ماعابني فقري بس الفقر شين
وما همني لو زوّد الفقر ديني

يكفيني اني عارفِ قيمتي زين
ويكفيني انك بـ الوفا تنصفيني

تقول لي وينك ؟ وانا اقول بعدين
وانا اموت من الوله من حنيني

مجبور انا ابعد عاجز اوفي لك الدين
واعاقتي هي السبب صدقيني

اخاف لا جيتك على ماتودّين
يصدمني الواقع .. كذآ تفقديني

أحسن لنا نبقى كذا بس طفلين
نعشق بعضنا بس بينك وبيني

احساسنا احساس باقي المحبين
يادنيتي وش فرقنـا ؟ علميني

هذه نهاية قصة احساس قلبين
ونهاية احلام الشقـا و الونيني