هالشي عند أهل البطولات معروف
زي شربة المويا تصير البطوله !!
بس ليه مستغرب ولك عينٍ تشوف ؟
الصعب حنّا ناخذه وبسهوله !!
هذا الهلال اللي له العالم وقوف
من هيبته كنه ملك وإنحنوا له !!
له بالسما رايه ، وهو ساكن الجوف
بالعز له تاريخ ، بالمجد دوله !!
لاشك ماهي حرب ورماح وسيوف
لكنها فن ودهاء ورجوله !!
فوزه أحسّه شي طبيعي ومألوف
والمستحيل أنه يجي من يطوله !!
لمصافحه كاس الذهب دوم ملهوف
حتى المنصّه تنتظر بس وصوله !!
من شجّعه مايعرف الهم والخوف
يوم أن غيره مانفع ( فيفادوله ) !!
تهتف حناجر له وتصفق له كفوف
مثل المطر والكل يرجي هطوله !!
فنّه خُرافه ماله قياس ووصوف
يحتاربه قبلي وقبلك عذوله !!
تحتاج لأنصافه بعد أكثر حروف
وياليت باقي شي وأقدر أقوله !!
صحيح هالدنيا تبي حظ وظروف
وصحيح ماكل شي تقدر تنوله !!
بس الهلال أتحسّه أحيان ملقوف
كل شي لازم ياخذه وبسهوله !!
كآآتبهآإ\ فلآح آلعمآإش..
|