[فدوك...]

هو : عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثـــــــــــــــــل .. حالي
طايــــــــح والهموم اتشيل بيـه

هي : هموم هواك ما خلــــــــن .. علي حال
فريضة وحبك مـــــــن الله .. علي حال
يالتنشد على حالـــــــــي .. علي حال
شيفيد النشد عالصار بيـه

هو : الج بس انتي گلبـــــــي .. ورجيته
ودمع العـــين يمـــــــــچ .. ورجيته
ابتعد كلمــــــــن نخيتــــه .. والرجيته
ولا واحد اجانـي وحن عليه

هي : رعيتك ليش گلبــــــــك .. ما رعاني
ويهمــــك فت دليلـــــــــي .. وما رعاني
مره احبس بدمعــــــــــــي .. ومره اعاني
ومره اتطيح روحي ابين اديـــه

هي : هجرك ياولف صايــــــــر .. بلا حد
مثــــل سيف اليگص رگبــــــــــه .. بلا حد
رحت وآنه انتظـــر ترجــــــــــــع .. بالاحد
اجه الاحـــد ويمتـه اتعود اليــه

هو : احد سچين صبري وچـــــن .. ولاحد
التفت وما شفــــت ربعــــــي .. ولا حد
شچم سبت اليمـــــر بيـــــــه .. والاحد
اجي بس شوفتــچ تصعب عليه

هي : لتهم بالعمر خلصـــــان .. وحـــــده
وأنا ضعني سرى بالهــــــــوى .. وحــــــده
حلت جنها بعيونــــــــــك غير .. وحــــــــده
وگمت لاتسأل ولاتمـــــر بيه

هو : غيرچ ماحلى ابعينـــــــــي .. ولاطاب
ولا دونچ دخل گلبـــــــــــي .. ولاطاب
يجرحي وياچ ماهَّــــــــــود .. ولاطاب
دم ينزف ولا تدريـن بيــه

هي : محبتك تجري وي روحــي .. ويدماي
وعليك انشلت اعظامـــــــــي .. ويدماي
انچويت أبأيـــــد أنا نــــــاري .. ويدماي
ولكن مـــــن يطابگهـن سويه

هو : عليچ الروح راحـــــــــت .. من يردهه
أوكيحه اهمومي صـــــــــارت .. من يردهه
خطيه الروح ملــــــــــت .. من يردهه
لأن بس الصبر لبس العليـه

تحياتي