[مؤسسة كليم الحسين الفاطمية]

سلام الله وصلاته ورحمته وسره
على الهادي محــــمد طه والعتره
نوالي من يواليهم نوافي الي يوافيهم
ومن العاده الهم والله نتبره




سلام الله وصلاته ورحمته ومَنَّه
على الهادي محـــمد جنة الجــنه
حبيب الله ونبيه أنخلق رحمه وحميه
الوحي معجزته والقرآن والعتره




سلام الله على الكرار أسـد خيبر
ابو الحملات والنعمه علي حيدر
أمير الرافضيه وحبيب الجعفريه
وذكرالله صبح للمرتضى ذكره




سلامي من جفن ما فارك الدمــعه
الى الزهره الزجيه فاطمه البضعه
اذوب بلوعة العبره وانوحن آه يالزهره
على محسن انوحن واذكر العصره




سلام الله وصلاته الدايـــمه وعطفه
على المسموم جبده وما وكف نزفه
لبو محمد حبيبي يظل دايم نحيبي
وعلى امصابه اغوص ابجمره الجمره




سلامي من ضمير أيـــــغوص بالونه
على احسيني وغرامي اينادي جننه
ابصلاة الفجر أشوفه ابصلاة الليل أطوفه
عزيز الله ذبيح وعاري عالغبره




سلام الله على الســـجاد ابو محمد
وعلى صبره انوحن والحزن يشتد
الغريب الفارك الاوطان حزين وهظمته العدوان
وعلى حزنه حزين وهايجه الحسره




سلام الله وصلاته من قلب شاعر
على المسموم امامي محمد الباقر
تنوح العصمه لمصابه وسمومه تلعن الصابه
وتبث احزان لوعاته وهظم عمره




سلامي من عشك ذاب ابغرامه
على الي ناحت الــحاله الامامه
على جعفر الصادق ثغر احزاني ناطق
على امصابه الحزن اعلن اله ثورة




سلام الله على الي بالسجون أكضه حياته
على المسموم اسد بغداد والكــاظم صفاته
اسد بغداد موصوف بابه للفرج معروف
وللحاجات اصبح للعسر يسره





سلام الله ورحمته الكعبة الوفاد
باب الله وعلومه مــحمد الجواد
ابغرامه قلبي مفتون المصابه اطيح الاعيون
على الاهات اهاته صفت جذره




صلاة الله وســــــــلام الهادي للهادي
وعلى حبه وشموخه انفتحت اورادي
ابدليلي سكنت احروفه ودمي الزاير ايطوفه
وميمل الدمه لو طافه الف مره





وتطوف العسكري اشواك الاماني
وتصلي الهيـــــبته السبعه المثاني
عسكر شوكي ابجيشه ابذكره طابت العيشه
وسر ديني ووجودي اصله من سره





صلاة الله وســــلامه الوافر الدايم
على المهدي الامام الطاهر الخاتم
اله ارواح مشتاكه تريد اوياه تتلاكه
وتنادي اوياه آه يالمنكطع نحره




سلام الله والطـــــافه المهيبه
على الهادي والعتره الحبيبه
نموت ونحيا وياهم شيعه ودمنه يفداهم
ومن العاده الهم والله نتبره









ونسالكم الدعاء



كليم الحسين ملا بسام الشمري