[عـازف الآهـات]

لاصرت ناوي فراقي لاتهددني
منت اول جروح قلبي وآخر أحزاني
\
أسألك عن غيبتك لكن تصددني
مبطي وانا أقول عندك واحدٍ ثاني
\
جرح الليالي من الايام شددني
وركبت درب الجفا والبعد ودّاني
\
ياشعر لاعاد في قلبه ترددني
خلّيت كل القصايد يوم خلّاني
\
ماهيب لحيه على الغيبه يحددني
صح الله لسانه وصح الله لساني
\
لو يدفن الجرح في صدره يجددني
ولو ينكر الحلم بالتذكار يلقاني
\
ماجرّب الشوق يوم انه يلددني
بيجيه من ضيقة الغيبات ماجاني
\
ماهي غريبه ليا جيته وصددني
مبطي وانا أقول عنده واحدٍ ثاني