[مؤسسة كليم الحسين الفاطمية]

فارس الكوفه

فارس الكوفه

لوقسنه الفضل والفضــل ما ينقاس
من نكتب الشعر خلـ نبدي بالعباس
تنسولف كلها بخباره ابو الغيره ابو الشاره



حي مرضعك يا عباس حــي أم البنين أمك
من مهدك لفآك العز عشك أنوارك ورسمك
ونزلت هيبة الغيره تحــــــوم أبدارك ويمك
وثوب الآبه متفصل عليـــــك وردد أبأسمك
ربيع الخوه انت وبـــــيـك معروفه
شهم غيره وحميه وفارس الكوفه
مثل عوده الحمه جاره ابو الغيرة ابو الشاره



معجزة الأخوه انتـــــــــه فصيلة دمك الغيره
كريم وللوفه أسمك صرت فهرسته والسيره
وسبع القنطره صارت لـقب والشاهد الحيره
بيمينك جهنم صـــــــار سيفك صعب تفسيره
شمرت حيدره شمرتك مهيوبه
وصولآتك زلآزل مـوت مرعوبه
بيك العده محتاره ابو الغيرة ابو الشاره



مو بس بالشجاعه انت صرت اول يبو فاضل
الشريعـــــه وبالعلم عالم بلا حاجز بلا فاصل
كريم وللكرم كفك صــــــــــبح ماعون للسائل
محمد باها بالكرار وبــــــــيك أحسينه ايباهل
يا نور الديانه انته القداسه
من بعد السـبط ليك الرآسه
وصرت بابه المزآره ابو الغيرة ابو الشاره



منو مثلك يبو الــــغيره حمل هالـعزه وابزوده
حماي الضعن انـــته وســـــاقي الها مشهوده
كافل زينب الــــــــــــحره فداها ووفه بعهوده
رخص الها نضر عينه وهامه وكفه وازنوده
وفسرنه النهر حين الملكته
كل معنــه الوفه شَرَّبْتَه انته
ويمك صار داره ابو الغيرة ابو الشاره



يا حامل لواء الدين ربك كم كرامه انـــــــطآك
اعظم منزله عندك ويـ ســـــــبط النبي خاوآك
وبابك باب للسائل مــــــــــا خاب اللذي عادآك
وخاصر ما يشوف الخير كلـمن سيدي العادآك
يا باب الحــوائج انته رحمه
وللعادآك شاره أبنسبه وأمه
يدخله حقده ناره ابو الغيرة ابو الشاره



حي مرضعك يا عباس حي الغـــيره والنخوه
غيور وغيرتك تـــــــــــنبع منك صاين الخوه
ألقِّبْ بالصفا أحسيني وَألقْبَكْ انـــــته بالمروه
كمر هاشم يلقبونك وانت أمن الشمس اضوه
روحين أبجسم هالـــــعهد صنته
الحسين اصبح محمد وعلي انته
صرت نوره وجواره ابو الغيرة ابو الشاره










ونسالكم الدعاء

كليم الحسين بسام الشمري

http://www.s-radood.com/vb/showthread.php?t=16201