[مؤسسة كليم الحسين الفاطمية]

انغام الفرح

اليوم أعيــﱢد الناس ويعيـﱢدوني
اليوم أسعد واحـــــد أتشوفوني
كل عام وانتو أبخير يا هلي يا طيبين
أسعد الله أيامكم أسعد الله أيامكم
أيامكم أيامكم سعيده

هاليوم فرحة وأبـــتشر دلآلي
عيد ومحبة بالســعاده اتلآلي
كل غالي بارك الحبيبه الغالي
وآنه تعنيت الأمـــيري الوالي
كاصد لبو الحسنين نور أعيوني
اليوم أسعد واحـــــــد أتشوفوني

ودعنه نورك يا شـــــهر بارينه
بالخير نسأل الله ترجع لـــــــينه
عيد الفطر هاليوم يزهي أعلينه
بالبهجة وانـــــغام الفرح مالينه
وناده دليلي الكربله أخذوني
اليوم أسعد واحد أتشوفوني

أبكل عيد متــــــــعود أنه يا ناسي
تكصد أميري المرتــضى أنفاسي
وبالهيبه اكصد بعده رافع رآسي
لحسيني أروحن كربله وعباسي
واحظن ظريحه ما يخـﱠيب أظنوني
اليوم أسعد واحد أتــــــــــشوفوني

العيد أجانه العيد خــــير ونوﱠر
بالخيروالبهجة وسـعاده بشـﱠر
ياعيدتدري منك اعظم واكبــﱠر
مهدينه ابوصالح نشوفه يظهر
واتمنة جندي ابأمرته أيعرفوني
اليوم أسعد واحد أتــــــشوفوني

بالدمعه والبسمه يمهدي انريدك
العيد انته الثآر يـــــــصبح عيدك
قائدنه انته وشيـــــــعتك تجنيدك
أجنودك احــــنه وكل أمرنه بيدك
وأخدم جنودك سيدي خلوني
اليوم أسعد واحد أتــشوفوني

كل عام وانتم بالف خير
وهذه القصيده
اهداء الى الاخت المواليه
الؤلؤة النادره
لان هي كانت سبب كتابتها
طلبت مني بالمصيده لي في موضوعها
راح اترك المنتدى
ولا تنسونا من الدعاء
القصيده عمرها نصف ساعه
2 شوال 1432هـ
ساعه 6 و 45 دقيقه