مالومه روحي واعيوني تنحب
معصـــــومه هذه لو هذه زينب
تنزف جروحي لوعتها اصعب
معصومه هذه لو هذه زينب
معصومه هذه دمعتها تلهب
على أعتاب الحزن جالس وألوجن
وأكابر وأحــــسب ألالامي وأذوبن
الحزن من حـالي يتحزن وأشـوفن
مدامع عيلة الهــــــــــــادي ينوحن
معصومه بالنوح تنعه لبــــوها
وحـــسرتها بألاه لفراك اخوها
والدمعه تشرح دمعتها تلهب
مثل زينب غدت باللوعه تتـــــــجبر
ومثل ونها تون يا موسى ابن جعفر
وعلى افراك الرضا دمعتــها تتطشر
ما شافت اخـــــــــــــوها والقدر قدر
لفراك الاحباب دمـــعتها تجري
تنعه بالاكـــدار حــيرني دهري
يا خويه وينك دمعتها تلهب
أشكثر رادوا يظلموها العده وشفاد
عين الله العزيز الــباري بالمرصاد
جعل ربها قبرها كعــــــــــبة الوفاد
والزوار كل عام الــــــــــيمر تزداد
هاي الغريـبه شــــامخ قبرها
والزاير ايذوب يشتم عطـرها
ويذكر ألمها دمعتها تلهب
دهرها أمن الأخو والابو يتــــمها
وخصمها ابذله راد السيده ايذلها
لجن رب العلا معصومها عظمها
جعل ربها قبرها جـــــــنه كرمها
مستودع أسرآر للعـــــالم اينور
ويحـــــقق أمآل للكــاصد ايزور
ويشهد قبرها دمعتها تلهب
معصومه وبيها العصمه مفتخره
ابديانه وبالعلم والعفه منـــتصره
هـاي أم البـــــنين الطاهره الحره
هدت كل عرش ظالم على قصره
وبيها يباهي نجم الـــثريه
سرها الــهي هالجــعفريه
انعظم اجرها دمعتها تلهب
وأجيت الها أبهظم والدمعه سجابه
عليها انحب وانوح ابلــوعه نحابه
ومثل ونها اون من قلبي واصوابه
آه يحـــــــــسين جدها وآه يمصابه
ونتها تفجــــع تنعه المصيبه
اتواسي زينب فكد الشـــبيبه
وتنادي يحسين دمعتها تلهب
كليم الحسين بسام الشمري
ونسألكم الدعاء
هذا طلبكم وانزلنا لكم القصيده ونحن أبخدمتكم
معلومه
هنا في القصيده اخاطب السيده بـــ أم البنين
نعم لقبها ايظا ام البنن