أحلى نغمه وأغلى كلمه بيها رحمه حاء وسين ونون
أسمك ساكن دلآلي وأسمـــــــــــحلي لا مو وحدك
يم حيدر يم أعضـــــــــــــــيدك يم الزهره يم جدك
بخظر مخطوطه أحروفه وتزهي أنواره من عندك
نور أيشــــــع وسط أكليبي ومصدر هالنور أبخدك
ما شايف مثل أنوارك والــــــــــــجود أيفاوح يدك
أحلى من كلمه احلى كامل بوصــــــــــــافه شهدك
هايم بشــــــــــواكك عمري ومازج كل وده ابودك
محروس أبعين الباري عدوانك لا متــــــــــحسدك
ما أجآمل أبقه أوآصل بيك أبآهل وأصرخ صوت المجنون
يا رآبع شوك أبقلـــــــــــبي ساكن يسري بشريآنه
حبك منــــــــــــــجاي الواسع وأنت الجدك ريحآنه
حبك يا روح العابد أصــــــــــــــــــبح دينه وقرآنه
بحروفك رتل شوكي والــــــــــــحب يعزف بألحآنه
حائك حرم بيت الله وسينك ســــــــــــــــــمو بنيآنه
ونونك نداء الطــافه لبيـــــــــــــــــــــك رب مولآنه
يل سرك سر الرحمه ولـــــــــــــجلك صارت دنيآنه
لو لا وجودك يا سري ما صــــــــــــرت آنه ولا آنه
كل ورودي سر خلودي سر وجودي أبسرك أصبح مرهون
يالمجتبى وحبـــــــــــــــيتك مو حب عابر لا صدفه
حبك من حب الباري هالحـــــــــــب طاهر وأنعرفه
ومجنونك خيســــــــــــــموني وجنون الحب الرأفه
أسمك حبك بكليــــــــــــــــــــــبي وأتردد بيه الشفه
أنسه الروح وما أنسه أســــــــــمك لو أنسه حرفه
أسمك بسلم لجروحي والكل دآء أصــــــــبح مشفه
دلآلي أصبح رادودك هاك أسـمع صـــــوته وعزفه
بأسمك باليقظه أتبسم أبــــــــــــحبك أحلم من أغفه
يا رجائي وبدمائي كل ولآئي ألحبك وأصبحلي أفنون
أعظم من قيس وليلى حبك دين العــــــــــــــــشآكك
كل حب ينجلي ويرحل وأنت أمـــــــــــخلد بشوآكك
كل عاشك هاك أمآله مزروعه أبنـــــــــــــور أمآلك
بكليبه ويصرخ وينك ما أحـــــــــــــــمل نار أفرآكك
هذا الحب مو بس فطره أصل لفروع أســـــــــلآمك
جيش ألحب غازي أمآلي مهرك أصـــــــــبح خيآلك
ما أشرب لا أتنفـــــــــــــــس بس أنت دوم أحتآجك
خادم لون تقبــــــــــــــــــــلني أفدي روحي لجدآمك
روحي فدوه للي أهوه وهذه جدوه أنا للحب راجعون
هيبة أمآلي أوجـــــــــــــودك وحدك دلآلي أسكنته
سائل كاصـــــــــــــــــــــد البيتك والوجه مآيه بعته
ما أستنكف مد أيدي عبــــــــــــــدك وأسمع جدوته
محتاج أبابك كاعد قلــــــــــــــــــــــــبي حقق طلبته
أبقبري رآيد رآحه وتشــــــــــــــــــــفعلي باجر أنته
أتوآفي أدري أبطــــــــــــــــــــــبعك ما تتعذر للردته
طبعك لظيوفك كارم كل جودك بالــــــــــــحب شفته
بحر الكرم بكفوفك طـــــــــــــــــاف أبجودك غركته
منهو مثلك أنت وأهلك جيت أسئلك أحشرني ويه جون
ما أجآمل لا وأعيونك مو دعوة وفكـــــــــــرة شاعر
أنت الرب الله أختـــــــــــــارك حجة وأمزكه وطاهر
وأسمك الباري أختآره وخصــــــــــك بالسر الظاهر
يالمجتبى وبأسمك باها جــــــــــــــــــــــبريل وفاخر
للمظلوم أسمك رحمه وللظـــــــــــــــــالم نار وقاهر
كفك ماعون الجائع مأمن ملآذ الحــــــــــــــــــــــائر
هيبه ومن جدك طه عطـــــــــــــــفك ما يكسر خاطر
وأسلآح المؤمن أنته يا منـــــــــــــــجاته في الأخر
يم منارك داره جارك يم ديارك ميهم وأيكول اشلون
بحسين العابس أنجن صاح أحســــــــــــــينك جنني
وبيك أنته الحب أتجنن وصار الحـــب شوكي وفني
عمري هاك أخذ أوراده عــبدك آنــــــــــي وتعرفني
عندك مكشوفه أورآقي وكل مخـــــــفي تعرف عني
ما عندي غيرك عاشك لا دنيه أبحـــــــــــــبك مغني
حبك أغلى أمن الوآلد وأغـــــــــــلى من أبني ومني
من مهدي والحد لحدي المرضـــــــاكم عمري يبني
ما أخشى الموت وحـــــــــــــــبك دفان ألي أيغسلني
من أموتن وين أروحن حب أشوفن وياي الحب مدفون
ونسالكم الدعاء
كليم الحسين بسام الشمري
هذه القصيده
لقبت
بــــــــــــ أميرة قصائدي لهذه السنه
وأخي سيهاتيـ لديه معلومه صغيره عنها