هلا وغلا
اللهم صلي على محمد وال محمد
اداء
ملا مصطفى السوداني
كلمات
حسين حازم البوشي
التوزيع
محمد عليق
مكس
سلوان الناصري
اصدار محرم 1445هـ
__________________________________________________
واگف حبيب بشيبة والجيش اگباله
مثل القوس محدّبْ ويصيد الخياله
من فار الدم
سيفه اتبسّم
———————————-
الگصص معروفه من تعرگ اذا ليها
انتخت حرمة
وحبيب امن انتخت. زينب سمع بيها
وعرگ دمه
ترخّص من ابو فاضل يحاجيها
واجه بحشمة
صح انحنه بس مهيوب
دلة بمضيف السادة
كاروكه بضهور الخيل
وبالمّوزمه ميلاده
او لو شمّر الغتره وگام
شمّرها روس القادة
گلهه حبيب واني خويدم جواكم
مسابگ شدة ويا محله الشدة الوياكم
نار اتقدّم
سيفه اتبسّم
————————
طلع مثل الصگر من يفرد اجناحه
يهابونه
توسّط بالحرب وبيمْنته اسلاحة
يشفونه
عذاب الموت الاحمر بيده مفتاحه
يعرفونه
غار (ابساط اسليمان)
من شد زمام المهره
بذراعة حيل العشرين
ما چنه شايب عمره
مثل النخل حاروا بي
فنّه اليميّز ضهره
يا محله الشيب النازل ومغطي الثامه
ما جايبته امه الفكر يوگف گدامه
من تحزّم من تحزّم
سيفه اتبسّم سيفه اتبسّم
- [ ]
جمع ربعه اوگف بيناتهم ثايه
يحشمهم
تهون ارگابنه وما نخلف احجايه
يفزعهم
أغتاضوا والزلم رفّت مثل رايه
شواربهم
توّسط زهير الميدان
جمرة غضب بأنفاسه
وعابس نزع درعة وگام
والجيش مو مقياسه
من شاف اجاه الشاهين
سرب الگطه ضم راسه
وشمّر حبيب ذراعة وجرّد بتّاره
گلهم يخواني الصحبه تبيّن بالغاره
صال وغيّم
سيفه اتبسّم
للتحميل
والقادم اجمل