من هو اللي مضايق (ن) حلو السنين
قال ذولا قلت جيت لتهدئتك
لا اتضايق من كلام الحاسدين
وأنت أحلى ما بك إنته تأتأتك
تعرف وأنت وليه تأتأتك تبين
ما يريد الحرف يطلع من رئتك
قال حلوة لكن اقهر لي حنين
يرحم اللي للمراجل جرأتك
بكم بيت وقلت يا أسلوبك لعين
أبشر بتشبيهتك ولئلئتك
فيك لين أرق من شكوى الحزين
وفيك نيل أعذبه في لؤلؤتك
وخوخ خدك فرصة اللي باع تين
ضاع سوق الخوخ يومه من فئتك
وأنت كاش وباقي الحلوين دين
جل ربك يوم قام بتنشئتك
وأنت ما بك عيب غير أنك حسين
وطيبتك عن كل عيب مبرأتك
وضحكتك أجمل حديقة ياسمين
والبلى من خصلتين إتفيأتك
وودك أبكي لا ضحكت بتوتتين
أبك ويني أضحك ووين إتك
والبراءة وينها وإنت وين
البراءة للبراءة هنأتك
يكفي إنك والذرابة توأمين
ولو هي بكيف الذرابة خبأتك
في حد ألعابك بعطرك في أي شي
المهم عن خلق ربك مجزأتك
تف أعوذ من المرايا وكل عين
كانها ما تذكر الله لا رأتك
ودلعنتك اللي عثت بالجدلتين
وش علي لو عثت بي سيئتك
من يسار القلب لين أقصى اليمين
تحت أمرك من نعمك إلألأتك
هاه يكفي ولا أزود حبتين
قال زود حبتين إلبؤبؤتك
قلت طيب لا لثغت السين ثين
ضاعت علومي وتراها مبوأتك
أول عيالي ورب العالمين
لثغتك سكر وملحك تأتأتك
[ للـ شاعر / ابراهيم خليل العنزي ]
.
|