اسمعيني وافهمي قلب ٍ يصون
يهمل الدنيا ولاهو مهملك
انتي عندي غاليه مهما يكون
لايغرّك كذب حاقد يوصلك
والله اني ماعرفت اقسى واخون
والله إنك للعواذل مسهلك !
لاتخلين العواذل يفرحون
قصدهم واضح ولا هو يجهلك
وإعرفي ماكل من حبك يمون !
حتى لو هو من قرايبك وهلك !
يعني الهقوات , من كذب الضنون
والتسرّع جايز انه يقتلك
والمحبه , حلمها شخص ٍ يصون
و المطيري , استحاله يخذلك
قولي للي من ورايه يكذبون
واثق الخطوه مشى مشيت ملك
وذكريهم مهما كانوا يفعلون
مثلهم واجد على دربي هلك
وان تناسوا ذكريهم يذكرون
الزمن يوم ٍ عليك ويوم لك
|