انتماء" :
قمت أحسب الدمع ضاعت حسبتي وأرجع
.......... أعد دمعي ألين الدمع تعبني !
الحب سلة وجع .. ! والفاكهه أربع !
......... صدً / وهجرً / ودمعً ... رابعه شفني !
بقايا إنسان ..! :
ما بين الضيق معْ زفرة همومي ماتت الأغصان
...............وصار الصبح معْ موتة غصوني غايبً نوره
مدينه صرت أنا فيني حدايق مابها ألوان
............... هجرها الناس تتضايق كثير وطاحت الصوره !
زرعت ولا لقيت بقاعي إلا الجرد والنسيان
............... تعبت اسقي بساتيني هباء وماتت زهوره
مثل طفلً فجع قلبه وشايل هـالقفص زعلان
............... بكى من حرقته شافت عيونه [ موت عصفوره ..! ]
يعاكس هالفرح دربي وأنا منفي مع الأحزان
............... ومن كثر الألم أصحى على آمال منحوره
ظلام الليل يعشقني وحيدً / ذابلً / ضميان !
............... وقفت آشوف أنا المسرح بدى التصفيق [جمهوره!]
أنا جمهوري الضيقه / ونبرة صوتي : الحرمان !
............... يصفق حقق أنجازه يشوف دموع مهدوره
نزفت ولا بقت قطره بدمي واختنق شريان
............... يمر الجدب في جسمي يطش بداخلي بوره
أنا في هيئتي إنسان ولكني [ بقايا إنسان ..! ]
............... أنا المهجور وسنيني مباني حيل مهجوره !
غُربه :
يمناي ضيق وأيسري كم أعاني
......... يا كثر ما طاحت من آمالي أصحاب !
بالله قلي وش تفيد الأماني
......... لا صرت أشوف بداخلي ( جمعة أغراب )
حتى مكاني صار ماهو مكاني
......... كل الأماكن شفتها .. جرح الأحباب !
.
.~