ابحكي قصتي معها هذيك اللي غطاها شال

[عـازف الآهـات]

ابحكي قصتي معها هذيك اللي غطاها شال

ابد ماتعرف الغطوه ولا البرقع وربطاته

حشى ماهي سعوديه لفت جده تبي التجوال

غشيمه بالوطن جده وتجهل حيل عاداته

بدايه قصتي معها على الكورنيش تمشي لحال

تمشي مشيه الفارس بعد اقوى انتصاراته

وقبل لااشوفها جالس وحيد وساليٍ بالبال

مع جوالي الفارس اقلب وسط نغماته

ولابس غترتي كاشخ منكّس العقال شمال

معي مسباح في يمناي تعب من زود دوراته

بعد ماشفتها فزيت ولبس كتفي الشمال عقال

وحضن كفي لمسباحي وجهازي زاد رناته

وقمت ارجع عقالي وخذيت الوضع باستهبال

تفادوا طيحه الماخوذ تضحك حيل طيحاته

ورحت اتبع خطاويها وفي بالي كذا موال

حلفت اني لغنيها اذا صرت بمحاذاته

ويوم انّا تساوينا تحنحنت وبديت بلال

وقمت ادور الموال تلاشى وسط لاآته

تهت بصافي الودنه ورمشه وحبتين الخال

حلفت اني لحاكيها واسمع بس همساته

وقلت ارجوك يابنيه سؤالي بس كيف الحال؟

عسى قلبك بري تكفين من الحب وحكاياته

وقالت اه انا منيحه من الحب وحكي العذال

احب الماما واخواتي واحب بيي وخيّاته

واذا بدك تحكّيني قصص العشق عال العال

تفضل صدق انطيني انا ماطيق كذباته

وقلت الا افا بدي وانا محمد سمي الخال

وقمت اروي فراق الكذب وادسم في رواياته

ولفت وجهها عني اثاري دمعها قد سال

وقامت تمسح الدمعات بسرعه حيل مسحاته

وانا يا راعي القصه سعيد ومستريح البال

وذاك اللي تسمع لي غرق في وسط دمعاته

وظمّت كفها بكفي تقول ان قلبها لي مال

وبدت تقرأ فؤادي زين وهي تملك علاجاته

قالتلي اذا تسمح تسجل هاتفي النقال

وابي رقمك اذا تسمح او انطرها اتصالاته

قلت الا خذيه الحين وقالت هات باستعجال

حلفت ان انطقه مختال واصغرها مساحاته

وقمت ألملم النمره صعيبه كل رقم بجال

لين الله فرجها وعطيته وراح بسكاته

[براءة...]

واااااااااااااو شوهيييدا روووعة حبيتواا
يسلمو

[عـازف الآهـات]

بـرآءهـ

لم يكن متصفحي بالروعة التي وصفتها

إلا لأن امثالك

هطلوا عليّ من الأفق الشامخ بالجمال

حرفك يسكن وريد حرفي

فيزيد نبضه رونق

اسدلتِ عليّ باذخ الإطراء

دمتِ بحفظ المولى

[سمو البرـآءه...]

ــأهــم شئ كــآـآشخ >>

حلوووووووو يصلموووووووه

[عـازف الآهـات]

سـمو البـرآءهـ


حرفك أنيق

وتواجدك رقيق

يبهج الروح والوجد

كوني دوما بالقرب

لروحك الرضا

[ترانيم]

مغازلجي وخراط عيني عينك هع
يسلمووووو

[عـازف الآهـات]

سـ ج ـى

شكرا لمرورك

من الأعماق

كوني دوما في الجوار

لروحك ورد وود