|
#1
10-07-2010, 11:05 AM
|
||||
|
||||
|
دورة في عمل انشودة خاصة بك - هندسة صوت
~ْ{دورة في عمل انشودة خاصة بك (هندسة صوت)}ْ~
 بسم الله الرحمن الرحيم السلام عليكم ورحمة الله وبركاته اخواني حبيت احط شرح بسيط حق هندسة الصوت للبرنامج اللي انا استخدمه حق الهندسة الصوتية عشان باقي الاعضاء يشاركونا بأناشيدهم... وهذي الدورة للمبتدئين... بسم الله الرحمن الرحيم نبدأ اولاً: حمل برنامج Adobe Audition 2.0 من هنا وفي فترة التخزين راح تطلع لكم خيارات متعددة وفيها صيغ للاناشيد...انتوا اختاروها كلها تحت كلمة Associate...وبعد التنصيب شغلوا البرنامج وبيكون مدتة 30 يوم تجريبي بإذن الله ثانياً: جهزوا الاشياء اللي بقولكم عليها: 1-اول ما نبدأ نشوف مكان التسجيل...طبعا ممكن يكون بغرفة محد فيها غيرك وطبعا صكوا الباب  بس ما يحتاج تحط بطانيات تحت الباب او اسفنج لأنه ما راح يأثر كثير... 2-المايك...لازم يكون اي مايك عادي وحبذا لو يكون مايك احترافي يركب بالحاسوب...  3-سماعات رأس...العادة يكون المايك لاصق بالسماعة مع بعض  4-برنامج مشغل الصوت...اي برنامج مثل الريل بلاير Real Player او ميديا بلاير Media Player ويفضل البرنامج يشغل mp3 و wav...ركزوا معاي 5-كون مجلد جديد يكون على سطح المكتب وخل اسمه "هندسة الصوت" 5-النشيدة اللي تبي تنشدها...لو كانت موجودة من قبل عندك بالجهاز يعني مثلا نشيدة يا رفيق الدرب اذا عندك اياها على الجهاز حطها بالمجلد وخل اسمها "النشيد الأصلي" 6-كلمات النشيدة...حتى لو كنت حافظها راح تتلخبط اثناء التسجيل...افتح برنامج المفكرة notepad من "إبدأ" ثم "تشغيل" ثم اكتب "notepad" واضغط "تم"...ثم اكتب كلمات النشيدة او المقطع اللي بتنشده وقم بحفظه في المجلد المذكور سابقا احين صار عندنا شيئين بالمجلد...النشيدة الاصلية والكلمات طيب نواصل... 7-لازم يكون عندك بالحاسوب ذاكرة رام "RAM" كافية عشان ما يعلق الحاسوب بقى نجيب شي واحد اللي اهو انت هههههههههههههلاحد يبدأ يسجل قبل ما يجهز الاشياء هذي لأنه راح يتلخبط معانا... بسم الله الرحمن الرحيم نبدأ المرحلة الأولى تضبيط صوت الحاسوب: نروح من عند الساعة تحت نلاقي صورة سماعة رصاصية دبل كلك بالماوس عليها...راح تفتح لك نافذة المكسر...  نروح "خيارات" ثم "خصائص"...راح تفتح هذي النافذة...نختار "التسجيل" ونتأكد من ان "ميكروفون" محطوط علامة صح تحتها ونضغط "تم"  راح يظهر هذا المكسر نتأكد من ان علامة صح على كلمة "اختيار" تحت الميكروفون ودرجة الصوت لين فوق...  راح تلاقي تحت الميكروفون زر اسمه "خيارات متقدمة" او "متقدم" نضغط عليها راح تطلع لنا هذي الشاشة...نحط صح هنا ونضغط "اغلاق"  الحين نصك المكسر والحمدلله تم الانتهاء من ضبط صوت المايكروفون المرحلة الثانية تجهيز البرنامج للعمل: في هذي المرحلة نقوم بفتح برنامج Adobe Audition 2.0 من على سطح المكتب...عقب ما نفتحه شكل البرنامج كذا راح يكون...  على يدكم اليسار راح تلاقوا مقاطع صوتية بس لاحد يضغط عليها...اضغطوا على اول واحد ثم اضغطوا من لوحة المفاتيح على Ctrl+A كنترول مع حرف A عشان تختاروا المقطاع كلها...ثم كلك يمين واختاورا Close لإغلاقها لأننا ما نحتاجها فيهم موسيقى والعياذ بالله يأتي مع البرنامج من أصل كما تشاهدوان في الصورة  بعدين تضغطون على هذه الكلمة Edit...  بعدين البرنامج راح يكون ان شاء الله بالشكل ذا  الحمدلله هذي المرحلة الثانية كملناها المرحلة الثالثة قياس صوت الميكروفون + الضوضاء في الغرفة: في هذي المرحلة ابيكم تركزون وياي... ان شاء الله راح نقيس الضوضاء اللي في الغرفة...راح تتسائلون من وين يجي الضوضاء واحنا مقفلين الباب وكل شي؟؟؟ اقولكم قد تكون هناك ضوضاء بسيطة جدا ما تلاحظونها يمكن من الميكروفون يجي صوت هواء او من اي مكان... المهم نجي في البداية نقيس الضوضاء...ركزوا معاي نروح من قائمة File ونختار New مثل ما انتوا شايفين  راح تظهر شاشة بيها خيارات وارقام...ما نحرك ولا شي بس نجي نضغط OK راح يطلع لنا ملف اسمه Untitled  حيث: 1- مكان الذبذبات الصوتية 2- مكان ملفات الصوت المفتوحة حاليا 3- لوحة التحكم بتشغيل وتسجيل وايقاف الصوت ان شاء الله هذا الملف راح يكون ملف قياس الضوضاء... كيف نقيس الضوضاء؟؟؟ اضغط على الزر حقت التسجيل تحت اللي فيه نقطة حمراء لكن قبل لا تسجل شي تأكد ان الغرفة خاليا وكل شي مسكر واثناء التسجيل لازم ما تتكلم تخلي البرنامج يسجل خالي عشان يسجل اي ضوضاء بالغرفة... بسم الله الرحمن الرحيم ركب المايكروفون في فتحة المايكروفون بالكمبيوتر وامسك المايكروفون شوي قريب منك يعني مسافة 20 سنتي متروتنفس بطريقة طبيعية لكن خفيفة...ثم اضغط على زر تسجيل وانتظر خل يسجل تقريبا 5 ثواني...هنا  هكذا راح تكون العملية اثناء مرحلة التسجيل  حيث: 1- مؤشر الصوت الحالي يبين درجة ارتفاع الصوت 2- مكان العمل كما تلاحظون الخطوط الخضراء المتعرجة وهي للصوت اللي تم تسجيله 3- عداد الثواني والدقايق للمدة اللي تم تسجيلها بعد 5 ثواني تقريبا وقف تسجيل بالضغط على زر التسجيل الأحمر نفسه مرة أخرى بعد ما توقف تسجيل راح يكون الشكل النهائي كذا  طيب راح تلاقوا الشكل صار فيه لون ابيض...راح اشرح لكم حاجة لما عندكم موضوع بالمنتدى وحبيتوا انكم تنسخوه ايش تعملوا؟؟؟ تضغطون بالكلك وتمشون بالماوس على الكتابة عشان يتحدد صح؟ وتنقلب الالوان يعني يصير التحديد باللون الاسود والكتابة لون ابيض... هني نفس الشي تقدرون تحددون اي مقطع صوتي بالماوس كأنك تحدد على كتابة...مثلا شوفوا الصورة هذي قدام راح تشوفون فراغ بسيط نبي نمسحه وشلون؟؟؟ نقوم نحدده الماوس زي ما نحدد كتابة... وثم نضغط على زر Delete على لوحة المفاتيح عندكم عشان ينمسح الصورة قبل المسح:  الصورة بعد المسح:  وبكذا عرفنا حركة نسمح مقطع صوتي طيب نواصل على الضوضاء المطلوب اننا نقيس شدة الضوضاء في الغرفة ونحدد المعيار في البرنامج عشان لما نسجل اصواتنا نمسح الضوضاء بطريقة عادية طيب يلا كيف نقيس الضوضاء؟؟؟ بطريقة وحدة اول شي حدد الصوت كامل بأنك تضغط على زر Ctrl+A "كنترول" مع حرف Aمن لوحة المفاتيح...ثم مرة اخرى اضغط على زر Alt+N "الت" مع حرف N من الكيبورد راح تظهر لك رسالة...تخبرك ان المعيار راح يتحدد على البرنامج كمعيار لكل شي...قول له اوكي  انتظر شوي لي يخلص الشغلة  الحمدلله الحين تضبطت الضوضاء على البرنامج...نجي نقيس مستوى الصوت حق الميكروفون ركزوا معاي لو نقطة ما فهمتوها رجعوا اقروا فوق الحين نعمل ملف جديد مثل قبل ما قلنا File ثم New ونقوم بضغط اوكي ثم نسجل صوت لمقطع حق صوتنا اي مقطع خمس او عشر ثواني...مثلا انا راح اقول ((بسم الله الرحمن الرحيم)) اضغط على زر التسجيل الأحمر وسجل صوتك...ولما تخلص اضغط على نفس الزر الأحمر مرة ثانية عشان ان شاء الله توقف تسجيل خلصت؟؟؟ شوفوا هذي صورة حق صوتي بعد ما قلت ((بسم الله الرحمن الرحيم))  حيث: اللون الأزرق هو صوتي اللون الاحمر الضوضاء اللون الأخضر الصوت خالي ونبي نمسحه مثل ما ذكرنا سابقا...لا تمسحه الحين احين هذا الصوت اللي سجلناه راح يكون صوتنا+الضوضاء...وعلشان نزيل الضوضاء تذكرون من شوي حددنا معيار للضوضاء؟؟...احين بهذا المعيار نزيل الضوضاء من صوتنا كيف؟؟؟؟ نروح من قائمة Effects ونختار Restoration ونختار Noise Reduction  حيث: اللون الأزرق هو اللي تضغط عليه Noise Reduction السهم اللي باللون الأحمر هو اللي من مساعة ذكرناه حق تضبيط معيار الصوت لا تضغط عليه بعد ما تضغط على اللي لونه ازرق راح تظهر لك هذي الشاشة...تأكد من هذا الرقم يكون 100 ويكون هذا المؤشر على High عالي ثم اضغط اوكي  جاري العملية  شوفوا شكل المقطع بعد تنقية الصوت من الضوضاء  حيث بإذن الله اللون الأزرق صوتي بعد التنقية اللون الأحمر الضوضاء قد اختفت كما تلاحظون و المقطع الخالي اللي قلت لكم لا تمسحونه...الحين نجي نمسح مثل ما علمتكم من البداية تختارون المقطع الخالي بالماوس زي ما تختارون كتابة وتضغطون على زر Delete من الكيبورد... اضغطوا على زر Home من الكيبورد عشان يرجع المؤشر الى البداية احين اضغطوا على زر التشغيل واسمعوا صوتكم اذا شفتوا صوتكم شوي مو حلو يعني كأنك مخنوق معناه انك تكلمت بصوت منخفض او ان المايك حقك فيه اشكال اذا شفتوا الصوت كان خفيف تأكد من اعدادات المكسر كما قلت سابقا...واذا نفس الشغلة حاول تغير المايك وان شاء الله يصير كل شي تمام تم بحمد الله المرحلة الثالثة المرحلة الرابعة هندسة الصوت: بعد ما تعلمنا نسجل الصوت وكيفية تنقيته ومسح المقاطع جا دور هندسة الصوت...وقت الصج الملفان اللي كنا فاتحينهم حق نجرب الضوضاء وكذا لا تصكهم خلهم مفتوحين الحين افتح ملف صوتي جديد من File ثم New ثم اوكي رح للمجلد اللي فيه النشيدة+الكلمات افتح النشيدة بالريل بلاير او ميديا بلاير او اي شي...وافتح ملف الكلمات...خل النشيدة موقفه روح لبرنامج الهندسة وابدأ التسجيل اول ما تبدأ تروح للنشيدة الاصلية وتشغلها ثم تحط كلمات النشيدة قدامك وتبتدي تنشد...بعد ما تنشد اضغط على زر التسجيل الأحمر مرة أخرى عشان توقف التسجيل وراح يكون الناتج بإذن الله بالشكل ذا  حيث بإذن الله اللون الازرق يكون صوتي مخلوط بالضوضاء اللون الاحمر الضوضاء خاليه طبعا انا ما سجلت نشيدة كاملة بل سجلت مقطع من نشيدة بس عشان اراويكم الشغل احين نجي نهدس الصوت اول شي ايش قلنا؟؟؟ نزيل الضوضاء...بس هالمرة احنا من قبل سجلنا معيار الضوضاء صح؟ لكن اذا انت غيرت مكانك تروح تحدد معيار ضوضاء جديد عشان تقيس الضوضاء بالغرفة يعني تفتح ملف جديد وتسجل صوت خالي و تكمل الشغلة نفس ما ذكرت انا فوق...نجي الحين نزيل الضوضاء بنفس الطريقة السابقة نروح على Effects ثم Restoration ثم Noise Reduction ونحط 100 ونتأكد ان المؤشر على عالي High ونضغط اوكي وبعدين بإذن الله راح تتم العملية عادي...وتروح تمسح الصوت اللي بالاطراف اللي كان ضوضاء...و إن شاء الله الشكل النهائي كذا  احين نروح نحط التأثيرات على الصوت مثل الصدى الاوتوتيون او نضيف الفلاتر عليها... انا راح اقول لكم على الفلاتر اللي انا اعرف لها واللي انا اعتقد انها اكثر اهمية... مثل ما تشوفون من هذي القائمة  ٌReverce وهو عشان يقلب المقطع وتسمعه من ورا لين قدام Mute وهو لكتم الصوت من قائمة Amplitude: Amplify وهو عشان تطول او تقصر على الصوت من قائمة Delay وهي خاصة بالصدى: Chorus وهو للانشاد الجماعي يخلي صوتك كأن ناس مع بعض Delay التردد بالصوت يشبه الصدى Echo وهو الصدى Flanger يخلي الصوت رايح ورا قدام وهالحركات Full Reverb وهو الصدى الاحترافي الكامل Multiple Delay تردد يشبه الصدى لكن متعدد Reverb وهو الصدى الاحترافي Studio Reverbe وهو الصدى الاحترافي نفس الاستوديو وهو ما استخدمه انا من قائمة Filters وهو للفلاتر التأثيرية FFT Fileter وهو يغير الصوت يخليه مثلا كأنك تتكلم من تلفون او شي كذا من قائمة Restoration وهو خاص بالضوضاء Hiss Reduction وهو لتخفيف الهواء من المايك وهذا يصلح للمايكات اللي ما تطلع خرخشة وايد بدل ما يستخدم اللي استخدمناه قبل Noise Reduction وهو لازالة الضوضاء كما قلنا سابقا Capture Noise Reduction Profile وهو لتحديد معيار الضوضاء من قائمة Time/Pitch وهو خاص بنبرة الصوت والسرعة ٍStretch وهو لتغيير نبرة الصوت والسرعة بالنسبة لبعض الفلاتر اللي تحملونها من النت وتجوا تخزنونها ما تعمل لازم تعملوا التالي: من نفس القائمة Effects تروحون عند Refresh Effect List او Enable DirectX Effects وان شاء الله تلاقون الفلاتر في قائمة DirectX وانا اعطيكم فلتر الاوتوتيون النسخة الرابعة لأن النسخة الخامسة ما عرفت لها وماتطلع اوتويتون مادري ليه...لكن لين جيتوا تخزنون الفلتر صكوا سماعاتكم لأن التخزين به موسيقى من الشركة نفسها بعد ما تخزنون الفلتر من نفس القائمة Effects تروحون عند Refresh Effect List او Enable DirectX Effects وان شاء الله تلاقون فلتر Antares Auto-Tune 4 هذا رابط التحميل من هنا نجي الحين نهدس الصوت بعد ما كملنا ازالة الضوضاء اذا تبون اوتوتيون لازم تحطونه قبل الصدى لأن ما ينفع تحطه بعد الصدى بسم الله الرحمن الرحيم نجي خطوة خطوة نطبق اول شي نحط فلتر الاوتوتيون اللي حاب يحط طبعا تروح قائمة Effects ثم DirectX ثم Antares Auto-Tune 4 بعدين تطلع لك هذي الشاشة...ركزوا معاي زين  في اناشيد لحنها يختلف عن الآخر...وبإذن الله هذا مصمم عشان يستقبل معظم الالحان كيف؟؟؟ شوفوا من الصورة 1- مقدار الاوتوتيون يعني تبيه وايد او قليل 2- هذا تغير فيه مع رقم 3 لين تلاقي الاوتوتيون المناسب للنشيدة 3- ذكرته مع رقم 2 تبدل بينهم وانت تغير في رقم 2 4- مقدار حدة الصوت يعني حاد او غليظ 5- لعرض الصوت قبل التطبيق وكذلك تقدرون تغيرون في الحروف اللي تحت كلمة Key يستحسن انكم تضبطون الخصائص نفس اللي بالصورة لكن تقدرون تغيرون في رقم 2 و3 عشان يضبط معكم الاوتويتون بعدين تضغطون اوكي صورة تطبيق الفلتر  الآن خلصنا من الاوتوتيون نجي لعمل التأثيرات الصدى: اختاروا اي نوع من الصدى وانا بالنسبة لي افضل Studio Reverb لكن كل واحد وذوقه كيف تضبط الصدى؟؟؟ شوفوا في كل فلتر صدى راح يعطيك فلاتر للصدى جاهزة مثلا نوع كأنك بصالة كبيرة...نوع كأنك بملعب وهكذا كيف اختاره؟؟؟ من هذا المستطيل يجيك فوق تضغط عليه وتختار اللي تبي  وكذلك تقدر تحرك مؤشر Wet او Dry عشان تشوف الصوت ثم تضغط زر التشغيل عشان تسمع قبل لا تطبق واذا وصلت لشي عجبك اضغط اوكي إن شاء الله تصير النتيجة حلوة بس لا تكثر من الصدى وايد عشان يبين صوتك بعد ما تحط الصدى راح تلاحظ ان صوتك انخفض شوي بدل ما كان صوت عالي وراح تلاحظ في الرسمة شكلها تغير وصار كل شي مع بعض شوفوا قبل  بعد  احين بعد ما خلصنا السالفة...نجي مثلا بعض الاناشيد مثل أشرقي شفت بالأخير ابراهيم السعيد لما يقول آهات صوته شوي غير وشلون سوى هالحركة؟؟؟ من Effects ثم Fillters ثم FFT Fillter ثم اختار Telephone - Voice Mail شوفوا الصورة  واذا تبي مثلا هذي الفلتر على صوت معين وش تسوي؟؟؟ تختار الصوت اللي تبيه بالماوس كأنك تختار كتابة من النت مثل ما قلت لكم سابقا وبعدين تطبق الفلتر عادي شوفوا الصورة  إن شاء الله اللي بالابيض المقطع اللي بيتطبق عليه الفلتر وبإذن الله اللي بالاسود ما راح يتطبق عليه شي بعد ما تخلص من كل شي الفلاتر اللي تبيها حطها لك انا ما احدد لك لأن هذا ذوقك الخاص المرحلة الخامسة ضبط الكورال: في الكورال لازم نحط في بالنا حاجة وحدة...ان الصوت لازم يكون غير عنك يعني منشد غير او تغير نبرة صوتك لأن ما راح يصير حلو لو خليته صوتك بالضبط المهم قم بحفظ ملف الانشودة اللي عملتها انت في مجلد هندسة الصوت على سطح المكتب وخل اسمه "النشيد بصوتي" بهذه الطريقة شوفوا الصورة  وبعد الحفظ روح للمجلد وافتح النشيدة على الريل بلاير ولا الميديا بلاير لكن لا تشغلها خلها افتح ملف جديد في برنامج الهندسة حق تسجل فيه الكورال...كيف تسجل الكورال؟؟؟ نفس ما سجلت النشيد تروح تضغط الدائرة الحمراء ثم تشغل صوتك اللي سجلته بالريل بلاير او ميديا بلاير وتسجل الكورال بصوت المنشد الآخر او بصوتك لكن ان شاء الله بنغير نبرته بعدين المهم بعد ما تسجل الكورال تروح تضبطه اول شي تزيل الضوضاء ثم تحط لك صدى ولا تنسى فلتر Chours من قائمة Delay في قائمة Effects للإنشاد الجماعي وهذي صورة  1- نوع التأثير 2- عدد الأشخاص وبعدين غير نبرة صوتك بواسطة فلتر Stretch من قائمة Time/Pitch في Effects  غير في المؤشر او اختر واحد من القائمة اللي على اليمين واذا لقيت شي حلو اضغط اوكي لما تخلص احفظ الملف باسم "كورال النشيد" الحين نجي للمكس عشان ندمج صوتك مع صوت الكورال طبعا لما تنشد الكورال لازم تكون ضابط الوقت ضبط يعني مع صوتك عشن لما تدمج إن شاء الله مايخترب صوتك يجيك بعيد الحين تشوف على يدك اليسار مقطع "النشيد بصوتي" تأكد ان بداية ما تنشد ما يكون في مقطع خالي يعني ادوبك شي بسيط وعشان تصير هذا الشي لازم تعمل زوم شوف الصورة  من اليمين الى اليسار: زوم على كل النشيدة زوم الى برا زرم الى داخل ثم اعمل Ctrl+A كنترول مع حرف A عشان تختار صوتك كامل واعمل Ctrl+C كنترول مع حرف C عشان تنسخ... بعدين روح لمقطع "كورال النشيد" اضغط كلك واحد في اي مكان...لاحظ المؤشر المنقط باللون الأصفر بالصورة  هذا المؤشر تحطه في مكان بالكورال بداية ما المفروض يطلع صوتك... يعني مثلا تسمع الكورال الى نقطة معينة توقف بالضغط على زر Pause ايقاف مؤقت اللي شكله كذا || وتحط هذا الخط ولازم تضبط مكان الخط بعدين تروح تضغط Ctrl+Shift+V كنترول مع زر الشفت مع حرف V راح تطلع لك هذي النافذة  هذي النافذة خاصة بالدمج المؤشران اللي فوق حق مستوى الصوت اليمين واليسار يعني لو كان صوتك ضعيف تطول شوي عليه مربع الصح اللي تحت هذا حق اللوب يعني التكرار تحط صح اذا تبي صوتك يتكرر تكتب كم مرة طبعا لا تحط صح هنا بس اضغط اوكي بإذن الله راح يندمج صوتك مع الكورال وقم بعملية الحفظ هكذا ثم تأكد من خيار mp3 او اللي تحب وسم النشيدة "النشيد النهائي" ثم اضغط اوكي  تم بحمد الله 
|
|
#2
10-08-2010, 03:26 PM
|
|||
|
|||
يسلمووووووووووووووو سيهاااااااتي .gif "1 (8)") يـــــــــــــــــــــا .gif "1 (4)")
|
|
#3
11-14-2010, 11:30 AM
|
|||
|
|||
|
واااااااااااااااااوووووووو بجد مبــدع ! ! ! لا عدمنـآ توــآ آ آ آ آ آ آ لك ..
|
|
#4
11-14-2010, 01:35 PM
|
|||
|
|||
|
يس’ـلموؤؤ =)
|
|
#5
02-12-2011, 09:38 PM
|
|||
|
|||
|
بس اريد الصفكات اذا موجودة بركم اني عندي استوديو بال السويد وساعدوني
|
|
#6
02-12-2011, 09:50 PM
|
||||
|
||||
|
هلا وغلا
حبيبي في القسم فيه ايقاعات وصفقات وضربات عزاء اكثير من المؤثرات وانا بعد اشوفلك لايهمك
|
|
#7
02-12-2011, 10:17 PM
|
||||
|
||||
|
|
 |
| مواقع النشر (المفضلة) |
| الكلمات الدلالية (Tags) |
| أكبر مكتبة دروس في الهندسة الصوتية, افضل دروس الهندسة الصوتية, تعلم الهندسة الصوتية, دورة الهندسة الصوتية |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| فساتين بمناسبات خاصة جداااا....!!! | شجاعة حيدرة | عالم حواء | 7 | 06-17-2011 05:47 PM |
| مجموعة خاصة لشباب من بودي شوب | حوريه انسيه | أنَاقة وأهتَماماتَ الرجَل | 6 | 02-28-2011 06:05 PM |
| Mixcraft... برنامج هندسة صوتية... مفيد جدا | سيهاتي. | الهندسة الصوتية | 6 | 10-26-2010 12:20 AM |
| دورة الغوص الأحترافية | سيهاتي. | الخدمات العامه - الاعلانات المجانية | 4 | 07-15-2010 06:33 PM |
| دورة فقه التربية وفنونها | شجاعة حيدرة | أخبار الرواديد والتغطيات واعلانات الحسينيات والمساجد | 1 | 05-09-2010 07:14 AM |
All times are GMT +3.5. The time now is 04:56 PM.