الموضوع
:
قصيدة يالعراقي يم علي مرجوعة جثتك
عرض مشاركة واحدة
#
1
01-19-2012, 12:05 AM
نور الزهرا
عضو مميز
قصيدة يالعراقي يم علي مرجوعة جثتك
بيـــــن عينـــك شفـــت غربه
وآه يا حســـــرة غربــــــــتك
وبــــين دمعــــــات المــــــوادع
شْحِچــــَـــــه دمـــعك ماسمعتك
عيـــــــونك تسولف قضــــيه
تگــــول صدگنـــي عشگتــــك
وشــــــفافك تسلـّــــــم عليه
وبســــت جمره بيوم بستك
تخيـــــلت رسمــــــك حضـــاره
ومــــن ارض سومــر عرفتـــك
مـــــن بســت گــاع المحــــطه
عِلــــَه الگـاع يبوس گصتـــك
ومن قريت الفاتـــــحه لام البنين
گلت صعبه وخفت لاتفشل رحلتك
او ودعتني وچــفك يگـطر حنــــين
وفاح عطر الكون وي هلت دمعتك
واسمـــع بگـــــلبك يردد بالنشـــيد
موطني مجبــور انه بيــــوم عفــتك
وين راح اجـــــدامي توصــــــل
وبيـــاجــــــدم اعبـــر عتــبــــتك
وين الگــه حچـــاية اسمللّه عليك
لو مشت بيه المنايا من عطشتك
يا عـــــــذب يامــــاي زمــــزم
يا عــــــراق اعـــــشق كعبــــتك
بحضرة العباس اطوفن كل خميس
ويم علي ياموطني صلّت جمعتك
انه بحضانك چـــنت كلش غريب
شلــــون لو كلـــــش فقـــدتــــــك
ويا وطــــــن عنـــــدي امــــــانه
واعتذرلك اعتبرني انه بنــــــتك
عنـــــدي بيام الدراسه ذكريات
ياوطن ارجوك خليها بغرفتــــك
عندي صــــوره بثــــوب وردي
وعندي صوره امشــــــي وحدي
وعنــــــدي بالــــزوراء صــــوره
گاعـــــده وايـــــدي على خــــــدي
وعنــــدي صوره من چــــــــــنت
كــــلك عراق ومن حضنــــــــــتك
وعنـــــــــدي صوره بحظن امي
وخارطــــــــة على الصدر شلتك
وعندي صوره وهاي لتراويها لحد
ولو شفتها بالك تنّزل دمــــــعتـــــك
من چنت كلك عراق او اخو لخيتك
وچان مو فـــــدرالي طبـــعــــــــك
لبــــــن مـــــن اربــــيل تــــــشرب
والسمـــــج تشــــــــوي بصرتـــــك
وهسه يا اجمل وطن حان الوداع
واعترفلـــك يا وطن لاماعفــــتني
لكن انه بكل قباحه اليوم عفتك
فكرت بس بقضيتي و ما عذرتك
وكاتــــب على الجــــنطه قطــعه
يالعراقي يم علي مرجوعه جثتك
يالعراقي يم علي مرجوعه جثتك
نور الزهرا
مشاهدة ملفه الشخصي
إرسال رسالة خاصة إلى نور الزهرا
البحث عن كل مشاركات نور الزهرا