يا أجمل كلمة أيدك كلبي ويا أجمل بيت أبلحاني
حبك دمي ويسري بجسمي يا ابو الأكبر حبيناكم
يا أصدق من كلمة صادق حبك يالساكن وجداني
حبك جنه وروض وكوثر والدنية ظلمه ابلاياكم
حبيتك حب صادق وأكثر أنت الأول وأبلا ثاني
ما أتحمل هجرك لحضه والموت الأحمر فركاكم
حبك معنى الحب الواضح يا نبضه دم ابشرياني
حبك حب الباري العالي ياذكر الله ظل ذكراكم
بسمك خطيت اسمي وعمري يلأسمك أصبح عنواني
ما أتأثر حاشه أتـاثر ما أتغير تلميذك آنه وترباكم
لو ما انت ما صرت آنه يا قبلة ديني وأيماني
حي ميت وياكم أبقه وياكم دوم وبحماكم
بقلم كليم الحسين ملا بسام الشمري