عرض مشاركة واحدة
  #6  
قديم 11-13-2011, 03:03 PM
سحايب... سحايب غير متواجد حالياً
مشرفة قسم الصوتيات
 







افتراضي

يا علي من دار الغرب نبعث تهاني
الشاعر الأديب الحاج جابر الكاظمي

الرادود الجاح ملا باسم الكربلائي
يا علي من دار الغرب نبعث تهاني نبعث تهاني .... نبعث تهاني
نـهـواك يـا مـحـبـوبـنـه.... حـبك ثبت بقلوبنه
نــبــعــث تــهـانـي نـبـعـث تـهـانـي

يـا عـلـي ابـصـفـحة دليلي سجلت مجمل احروفك
إرسـمـت فـوق اعـيوني رسمك اشما أصد للنور أشوفك
مـا حـسـبـت إحـسـاب تالي العمر يا حيدر أعوفك
و أســكـن ابـدار الـغـرب يـا داحـي الـبـاب
و ابـتـعـد عـن الـنـجـف مـن غـيـر أسباب
و ابــتــعـد عـن إديـار أهـلـنـه الأطـيـاب
ابـفـرقـتـك طـاعـت يـا عـلـي كـل الأمـاني
دمـع الأفـراح إنـسـيـلـه.... ويـه الـنسيم الليله
نــبــعــث تــهـانـي نـبـعـث تـهـانـي

يـا عـلـي ابـحـكـم الـعـواطف دار دوران الليالي
و كـل إسـم مـن غـيـر إسـمك يبو الحمله ما حلالي
بـيـن لـحـظـه و لـحظه دجرك يا علي ايمر اعله بالي
و أقــعـد و انـاشـد روحـي يـا يـوم إنـعـود
لــرض الــغــري يــا حــيـدر إنـرد إردود
و نـنـثـر عـلـى قـبـرك يـبـو احـسين إورود
يـا بـا الـحـسـن بـإسـمـك هـتف قلبي و لساني
يـصـعـب عـلينه إغيابك.... هاك إخذ صوت أحبابك
نــبــعــث تــهـانـي نـبـعـث تـهـانـي

ألـف وسـفـه عـن ضـريـحـك يا علي طالت الغيبه
و تـعـلـم ابـجـرح الـعـواطف خزن و فاجد طبيبه
مـحـد إيـداوي الـحـبـيـب الـيـنجرح إله حبيبه
و آنـه ابـدلـيـلـي امـن الـغـرب كـثره اجروح
و الـيـفـقـد أحـبـاب الـقـلـب ويـن إيـروح
بـالـغـرب جـسـمـي و يـمـك إتـركت الروح
إبـدار الـغـرب حـتـه الـمـحـب جـار و جـفاني
أحـرق إحـروف إعـتـابـي.... آنه و هلي و أصحابي
نــبــعــث تــهـانـي نـبـعـث تـهـانـي

يـا عـلـي بـديـار غـربـه إتـنـثرت وردة إسنيني
و إنـقـطـع غـصـن الـموده اللي سقيته ابدمع عيني
أنـتـظـر أرجـع و يـمـك أنـثـر إهمومي و حنيني
أرجــع و اقــلـك يـا عـلـي إتـعـنـيـتـك
يـا شـوق عـمـري الـبـلـصـبـر بـاريـتـك
جــيــتـك يـروح الـروح هـايـم جـيـتـك
إنـتـه ضـمـيـري و مـهـجـتـي حـبـك كياني
حـبـك شـرف أعـمـالـنـه.... لـو حققت آمالنه
نــبــعــث تــهـانـي نـبـعـث تـهـانـي

يـا عـلـي هـالـيـوم أعـظم فرحه مرت عله الأمه
الـيـوم يـوم الـبـيـه ظـهـرت للبشر بهجة الحكمه
يـا عـلـي و عـيـد الـغـدير إبشوق فرحتنه نرسمه
يـالـعـلـمـتـنـه بـالـصـبـر بـالـشـدات
هـيـهـات نـصـفـح عـن طـريـقـك هـيهات
يــا مـن رفـعـنـه إبـشـرف حـبـك رايـات
يـا عـلـي و حـبـك بـالـحـشـر أصـبح ضماني
يـا شـرف ذات الـشـيـعـه.... بإسمك نأدي البيعه
نــبــعــث تــهـانـي نـبـعـث تـهـانـي




رد مع اقتباس