اذن اذان السماء // هذا عاشور البكاء
والامام المنتظر // يبجي للمجلس حضر
لازم انقيم العزاء
*********************
المهدي لابس ثوبه الاسود وينادي جرحك جدي ما طاب
شاب راسه امن المصايب وهيج حنانه افراك الاحباب
المهدي كالو كل محرم اعله اعمامته ايضل يرمي التراب
اهلاله بين والمصيبه كلب الامام امحمل اعتاب
المهدي كل هاي السنين // يبجي دم اعله الحسين
بعينه سهران السهر // يبجي للمجلس حضر
**********************
جرحه ينزف عالمصيبه ودموعه عالخد كامت اتسيل
المهدي حاضر بالمواكب واحساس عندي يدك زنجيل
ضل ينادي يا حبيبي شمسويه جدي بصدرك الخيل
الدنيه غربه وانه وحدي ودموعي تشرح وحشه اليل
جدي كلي وين اروح // جرحي مو مثل الجروح
ما يفيلي الشجر // يبجي للمجلس حضر
******************
الملا يلجم جرح كلبه من يصعد ايرد القصيده
المهدي يحفظ مستهله ويوكف بنصنه ويرفع ايده
الملا زينب لو ذكرها ايكله هذا البيت عيده
ايصيح ويلي اعله السبوها البين الخيم ضلت وحيده
مدري تركض عالزغار // لو تروح اطفي نار
مدري تركض للنهر // يبجي للمجلس حضر
*********************
الورد عايش بنتظاره وتدري الورد محد يزعله
مر نسيمه اويالنسايم وطير الحباري ارحمني كله
بالصحاري اشكثر ينحب ايصير الحزن مخلوق لجله
اجبال صبره ما تحمله ياهو انفجع كلولي مثله
ربي عجل بالفرج // بعد ما ضلت مهج
جم محب كلبه انكسر // يبجي للمجلس حضر
********************
المهدي ذايب تدري كلبه وكل جمعه يمشي ايزور الحسين
ايشم ضريحه ويمه يكعد ويقره الزياره بدمعه العين
ايكلي جدي طال هجري وانه انتضر كل هاي السنين
اشوكت كلي بثارك اخذ ولرض البقيع اتعنه بعدين
المهدي يا جدي يصيح // ضمني في هذا الضريح
يغفه قله ما ندر // يبجي للمجلس حضر
******************
كل مسيه المهدي يوكف يم النهر ويعاتب الماي
ايكله مايك ليش يجري لازم اخصص محكمه الهاي
انته ذنبك عطشتهم وكطعت بيهم كلش اهواي
وخذت عمي اليسوه كلشي واحله كمر غيبته بسماي
والله ما خلاني اشوف // امصاب مكطوع الجفوف
كام جم مره وعثر // يبجي للمجلس حضر
********************
تمت
تحسين الخفاجي