بسمه تعالى
سلام عليكم وربي ايبارك فيكم ويرعاكم ويجعل لنا ولكم حسن العاقبه ان شاء الله
-------------
----------
-------
موشح
--
--
لوغفت للموت يهلي اعيوني
يم علي بجنازتي اتودوني
---
يهلي اوصيكم احفضوا اوصيتي
خاف باچر من اودع دنيتي
شيعوني لو حملتوا اجنازتي
للنجف والحيدر اتزوروني
---
بالضريح وطوفوا بيّه ياهلي
ثلث طوفات اعلة شباچ الولي
وخلي المشيع اينادي ياعلي
هذا ضيفك يمه گال اخذوني
---
هذا ضيفك ياعلي ونته الكريم
لحد يمك راد برحابك يقيم
وحگ نوح وآدم وموسى الكليم
علي يحظر لمن اتنزلوني
---
ابلحدي يحضر حيدر وأمسي بامان
وعندي صك اولايته بيدي ضمان
اشلون اخاف وينعگد مني اللسان
وآنه يم حيدر علي اتدفنوني
--
ما أخاف ابوحشه لو ظلمة گبر
ويمي تحظر فاطمه الزهره الطهر
لأن تدري خادم اگضيت العمر
وخادم الزهره الي ايسموني
--
خادم الها وخادم حسين وحسن
وخادم لأم المصايب والمحن
اگضيتها بخدمتهم اسنين المظن
اشلون وانه أبگبري ميحضروني
--
سيد عدنان الحمامي
</b></i>