مشوار الحب والآمال تابعت دروبه
قلبي العاشق والميال عبد لمحبوبه
بالمحشر يوم الخوف مغفورة ذنوبه
بولايه اهل البيت مقبوله التوبه
..
واضح طريق الايمان والواضح ما يتاول
لمن ينص القرآن قول الله ما يتبدل
يوم الغدير المعروف ايات بيه تتنزل
معناها حيدر يا شاك مو رابع هو الاول
يا محلى براس الكرار تاج الامارة
فاق البشر باياته وسجل صدارة
للحبه والوالاه جنه مكتوبه
بولايه اهل البيت مقبوله التوبه
..
معشر امامي المرسول كل ساعه بيهم يحدي
ويعددهم بالاسماء من حيدر حتى المهدي
يا شاك كل شي مذكور غض البصر ما يجدي
بلياهم يا جنه تريد خلك صريح وجدي
معشر امامي وتشهد كل المساند
عددهم لون تقدر كافي تعاند
بس عدنا هالاطهار معشر محسوبه
بولايه اهل البيت مقبوله التوبه
..
دروب النجاة وكل خير ينبع لطف من عدهم
عالامه صاروا اسياد والمصطفى سيدهم
الله رفعهم عالناس لو اندعوا مايردهم
باب الشفاعه المقفول مفتاحه حطها بيدهم
محبتهم نور من الله تهطل علينا
وعلى بحور الاهوال حبهم سفينه
شمس وحاشاها بغيمات تبقى محجوبه
بولايه اهل البيت مقبوله التوبه
..
من فطرتي لهذا اليوم ماضي بطريق الهادي
واهل الامام الاكرام هم عزوتي اسيادي
بالولى هم درب الفوز بالاخرة امجادي
من جفهم اشرب كوثر واروي دليلي الصادي
ربي يحشرني ويا الآل شيعي بدربهم
لاني قسمت بكل حال ما انسى حبهم
حبهم اصل الامان مو حب العوبه
بولايه اهل البيت مقبوله التوبه