[ملكوت]

عبدالله ما مات ماااااااامات لآ تقولون كذا حرااااام عليكم بكرا زواجنا ما ماات ليش تقولون كذا ..
زهره راحت فتحت دولاب الملآبس وطلعت كل الهدايا والرسايل اللي من عبدالله وفستان زواجها وهي تبكي وتشم الأغراض واسماء تهديها ..
اسماء وهي تبكي على حال زهره : زهره تكفين خلآص اهدي هذا يومه ..
زهره بــ بكاء يقطع القلب : آهـ آهــ ليشي ياربي ليش آهـ مالحقت اتهنى بحبه ماشبعت منه ليش يا ربي انا وش سويت بدنيتي ياربي آهــ بكرا زواجنا اهو قال بيمسك يديني بكرا وبيبوسني على جبيني وبياخذني لحظنه وبعيشني احلى عيشه ياربي انا ابيه آهــ ياربي ..
اسماء : زهره استغفري الله حراام اللي تقولينه ادعي له بالرحمه ..
زهره : حررام عليكم انتو ماتحسون باللي احسه انا روحي ماتت مااتت من بعد عبدالله انا جسد بس جسد ..
طاحت زهره على الأأرض ونقلوها المستشفى ..
اسماء بخوف : دكتور طمنا ..
الدكتور : هي عندها صدمه ولازم تبقى تحت الملآحظه لمدة يوم كامل ..
اسماء ببكاء : إلهي من الذي نزل بك ملتمساً قراك فما قريته، ومن الذي أناخ ببابك مرتجياً نداك فما أوليته، أيحسن أن أرجع عن بابك بالخيبة مصروفاً، ولست أعرف سواك مولىً بالإحسان موصوفاً، ياارحم الراحمين ياشافي يامعافي اشفي زهره برحمتك وعطفك يارب ..
اسماء رجعت بيتهم وهي تحس بتعب نامت ..
يوم الثاني جلست عشان تجيب زهره من المستشفى
..
راحت المستشفى ودخلت لقت زهره جالسه على السرير وتطالع النافذه ماتتحرك ولا تتكلم بس دموعها تنزل وماتحس بشئ ابد ..
اسماء تكلمها : زهره زهره شفيش ليش ماتتكلمين .. زهره تكفين كلميني ..
زهره موحاسه انه احد يكلمها فاقده الوعي بس تذرف دموع ..
خذتها اسماء نزلتها من السرير ولبستها العبايه وطلعو من المستشفى ..
في بيت زهره ..
زهره شافت امها ورجعت لوعيها وتذكرت عبدالله انه مات ..
وحظنت امها بقوه ..
زهره بـ الم وحسره وحزن : يمه يمه رآح يمه عبدالله رآح ومالحقتي تفرحين بزواجي يمه كان اليوم انا علي الفستان الأبيض يمه كان اليوم عبدالله اللحين في الصالون ولابس البشت ويمسك يديني ويقول لي واخيرا صرنا مع بعض في بيت واحد .. يمه خلآص عبدالله راح راح من هالدنيا وياليته ماخذني معاه يمه خلاص انا ميته يمه انا ماعندي احساس بشئ يمه قلبي يوجعني يمه وينه عبدالله عودني كل يوم يقول لي احبك بكل وقت يمه ليش راح وتركني ليش ..
ام زهره تبكي بحسره على حال بنتها وتهديها : خلآص يمه خلآص الله يعوضك بغيره ..
زهره صرخت : لآلآلآلآ يمه لاتقولين كذا انا مو حق احد غير عبدالله يمه لاتقولين كذا لاتقولين كذا .. انا انتهيت من غير عبدالله انتهيت ..
صعدت زهره غرفتها وهي تبكي ..
وجلست تقرء رسايل عبدالله وتشم ريحته فيهم ..
زهره تكلم الرسايل : عبدالله حبيبي وروحي وحياتي انت ليش رحت وتركتني ليش رحت حرام عليك والله انا احبك احبك احبك ..
تذكرت الرساله اللي اول مره رسلها لها عبدالله يوم يعطيها الشنطه وخذتها وهي تبكي والله حبيتك ياعبدالله حبيتك ليش رحت عني وتركتني بحزني وحيده ..
اسماء حضنت زهره بقوه وزهره تبكي : اسماء اسماء ..
اسماء راح عبدالله راح وظليت انا وحيده كان اليوم زواجنا ..
اسماء قاطعتها : زهره فهميني والله حرام عليك اللي تسوينه بنفسك رحمي حالك عبدالله يحبك وطلبي له الرحمه ..
زهره قامت تبكي اكثر ..: حرام عليه تركني وانا بحاجته انا مااقدر اعيش من دونه ..
ونامت زهره وهي تبكي ماقدرت تتحمل من كثر البكاء ..
اسماء مشت راحت بيتهم .. لأن عندها اختبار لآزم تذاكر من وقت ..
زهره جلست الساعه 3 الليل ..
اتـّصـــل ..اتـّـصل علــيه.. واتــّــصل
وترجع الــــرنه .. دمـعـت(ن) نـزاله
اتصلت على جوال عبدالله ..
ان الهاتف الذي طلبته مغلق...
بكت زهره بحرقة قلب وهي تتذكر كل يوم مر عليها اهي وعبدالله
ظلت زهره شهور على هالحاله ماتكلم احد ولاتطلع من غرفتها حابسه نفسها بين الرسايل والهدايا اللي من عبدالله وكل ماشتاقت له اتصلت على جواله
ويجاوبها الجوال بألم وانكسار :ان الهاتف المتحرك الذي طلبته مغلق
وتبكي وتبكي وتبكي بس ماجفت دموعها ..
وينك حبيبي وينك ..
تخطيت كل مسافات الفرح والأبتسامه بس مالقيتك ..
ضآعت ضحكتي والبسمه اللي كنت تهيم فيها ..
ملئ قلبي بالحزن والتعب والآهآت لــ جل عينك ..
طويت مسآفآت العتب وهاجرت الناس ..
ماتت روحي من روحك رحلت عن دنياي ..
بس بقى فكري حي عايش على ذكراك ..
اتصفح اوراق الحب واتذكر قصة خيآل عآنقت الأهداب ..
هاجرت كل الدنيا وبقيت انا وحدي اتألم واشتآق ..
اشتاق لصوتك وانتظر بس يجي منك اتصال ..
اتصل وانسى انك راحل عن دنيا لـ دار القبر ..
اتصل على امل اسمع صوتك وانسى الأحزان ..
بس للأسف اسمع صدى صوتي يون انت خيال انت خيال انت خيال
وارجع اعاند جرآحي وابتسم للحروف اللي عانقت دفئ الأحساس ..
املي خفوقي بكلمة الترحال ..
وانثر اوجاعي على حزن ابد ماطاب ..
خلآص ياقلبي هو رحل وترك انسانه بغيبته بعيشة عذاب ..
رحل وترك ذكراه بين جدران الآلآم ..
تركني اتوسد احزاني على وسادة الأحلآم ..
خيآل اني اشوفك ياحبيبي بس واقعه اشوفك بالأحلآم ..
اعشق الخيآل والحلم هو انت ..
نهايه مريره قطعت قلبي برحيلكـ .. كآن خيآل لكنه لآمس قلبي الحسآس فـ جرت دموعي .. بـ قلمي ملكوت.
النهايه .. اتمنى ترفرف لــ ذآئقتكم ..
ولأول مره اسرد روآيه من وحي خيآلي الأليم ..
.. ملآحظه : كل الخواطر المكتوبه هنا من قلمي ..
ملكوت..