[ملكوت]

الجزء الثآمن والأخير ..
واجتمعنا سوى ي نبضه ونبضي ..
وتلاقت العيون بخحل ي ايده وايدي ..
الله يسعد قلب بحبه نبض والله يسعد قلبه بحبي نبض ..
روح روحي انت وكل شرايني والنبض ..
ربي مايحرمني دفاك وحنانك وحبك وشوقك ..
ربي يخليك لي ونرسم على وجه القمر قصة حب يعجز وصفها كل البشر .. بقلمي ملكوت
موعـــــــد اللقآء ..
زهره تنزل من الدرج على موسيقى هادئه وناعمه بكل دلع والكل يناظرها ويقول ماشاء الله ..
اسماء تهمس في اذن زهره : زعيط وجع ابتسمي فشلتينا ..
زهره بخوف : اسماء انا خايفه ..
اسماء : لا تخافين وتركتها ومشت ..
وصلت للكوشه وصورت كم صوره وجاو صديقاتها يباركون لها ..
جات اسماء وحظنتها وفيها الصيحه ..
زهره : مساعه بالمشغل تقولين لي لا تبكين يخترب مكياجك واللحين انتي اللي بيخترب مكياجك هههههههههه
اسماء بحزن : هههههههههههههههههههههه .. بفارقك يااعز صديقه .
زهره بحزن : ترى ماابعد اتزوج واروح من بيت اهلي يعني تقدرين تزوريني نفس اول وحتى لو تزوجت ماراح يمنع انش ماتزوريني ..
اسماء ابتسمت ..
.....................
جات ام عبدالله وقالت للمعازيم يتغطون بيدخل عبدالله ..
زهره تحس انه قلبها بيوقف من سمعت طاري عبدالله وحست بخوف مو طبيعي ...
جيتكـ يا كل نبضي واحسآسي ..
جيتكـ ي روح سكنت روحي ..
جيتكـ بشوق ولهفه وحنان ..
ودي اضمك فوق جنحان الحمام ونطير لسما الأمان ..
جيتك يـ كل شئ في دنيتي جيتك وانا كلي شوق وحرمان ..
جيتكـ ضمآن ارتوي من بحر حبك واصير في بحر حبك غريق ..بقلمي ملكوت البراءة ...
دخل عبدالله بكل هيبه وفرح وابتسآمه تذوب ..
زهره كانت في قمة الخجل والخوف .. وكل ماقرب عبدالله خطوه زاد خجلها وخوفها ...
وصل عبدالله لعند زهره .. ورفع راسها وباسها على جبينها ومسك ايدها وهمس لها .. احبك احيك احبك .. وكل نبض في قلبي يعشقك ..
زهره صار وجها احمر من الخجل وابتسمت ..
صورو مع بعض كم صوره وجلسو ..
بعد ساعتين مشو المعازيم واصدقاء زهره ..
جات اسماء لزهره تسلم عليها وحظنو بعض بقوه ..
اسماء : زهره امانه انتبهي لنفسك ..
زهره : ان شاء الله ..
اسماء : عبدالله تكفى انتبه لزهره ترى اهي رقيقه وحساسه ولا تزعلها امانه عندك ..
عبدالله : احد يوصي انسان على روحه ..
ومشت اسماء ..
عبدالله : يــآه واخير ياقلبي صرنا لبعض واخيرا ربي مايحرمني منك ..
زهره بخجل وابتسامه : ولا منك ..
عبدالله : انزين رفعي راسك خل اشبع من جمالك ..
زهره بخحل رفعت راسها وطاحت عيونها بعيونه ..
ونزلت راسها مره ثانيه ..
عبدالله حس با احساس الفرح والحب ..
عبدالله : زهره انا احبك .. ومسك يدها وباسها ..
زهره : ربي مايحرمني منك ..
عبدالله : ولا منك ..
عبدالله : يلا قومي جهزي وغيري ملابسك بنروح مطعم ..
زهره بخحل : ان شاء الله ..
زهره غيرت ملا بسها وجات لعبدالله ..
عبدالله يطالع زهره بكل حب ومسك يدها : يلا مشينا ..
في السياره عبدالله ماترك يد زهره ..
وصلو للمطعم ..
عبدالله يعطي زهره المنيو .. طلبي لك ي اقلبي ..
زهره بخجل : عاادي انت اطلب لي على ذوقك ..
عبدالله : هههههههههه طيب ..
وطلبو لهم ..
زهره من الخجل ما كلت ولا شئ ..
جلس عبدالله في الكرسي اللي بجنبها وجلس يأكلها وهي مستحيه ..
بعدين طلعو من المطعم وراحو على البحر ..
زهره بخجل : الله من زمان ماشفت البحر ..
عبدالله بلهفه : تحبين البحر .
زهره : امممووووت عليه بس انت احبك اكثر ..
عبدالله بحب سرحان بعيونها : يا حياتي انتي ..
ورجعت زهره البيت الساعه 3 وهي طايره بعبدالله ..
ونامت الصباح الساعه 6 بعد ما كلمت عبدالله على الجوال ..

وحددو موعد الزواج بعد شهر في الأجازه الكبيره ..
وجات الأجازه وزهره انشغلت كله في السوق تجهز للزواج اهي واسماء ..
باقي على الزواج اسبوع..
زهره قالت لعبدالله مايتصل عليها ولا يشوفها لمدة اسبوع عشان تشتاق له ويشتاق لها ..
عبدالله قرر اهو بنفسه يروح الخبر يوصل بطاقات ادعوه لأهل ابوه ..
قبل اسبوع من الزواج عبدالله اتصل على زهره ..
عبدالله : هلا وغلا بقلبي ونبضي ..
زهره بحب : هلا بيك وبعمري ..
عبدالله شخبارك ياقلبي .؟
زهره : بخير دامك بخير ..
عبدالله : حياتي انا اليوم ان شاء الله بمشي الخبر بوصل بطاقات الزواج لأهلي بنفسي ..
زهره : ان شاء الله بس امانه انتبه لنفسك ..
عبدالله : ان شاء الله حبيبتي .. يلا مع السلآمه انا العصر بمشي ..
زهره : في حفظ الله ..
********************
في الخبر ..وقبل الزواج بيومين ..
عبدالله يتصل على زهره ومو راضيه ترد عشان الأتفاق اللي بينهم ..
عبدالله : والله اني بشتاق لج بس ردي ردي ..والله مشتاق لج ..
رسل رساله لها ..
( زهور قلبي تكفين ردي والله مشتاق لج بقول لج شئ ضروري )
زهره فتحت الرساله وخافت انه صاير فيه شئ .. وعلى طول اتصلت عليه ..
زهره شوي وتبكي : يمه قلبي شفيك حبيبي ..
عبدالله بضحك : واخير ياروحي سمعت صوتك ..
زهره : حررام عليك وقفت قلبي وانت تضحك ..
عبدالله : شسوي والله مشتاق لج وانتي مو راضيه تردين ..
زهره : أي انا ابغاك تشتاق لي مابقى الا يومين على زواجنا ..
عبدالله : يالله احس الدنيا مو شايلتني من الفرح ودي اطير اطير واخيرا بنكون في بيت واحد لي لوحدي ..محد ياخذك مني ..
زهره ببتسامه وخجل :ههههههههه انا خايفه ..
عبدالله متعجب : خايفه انج بتكونين معاي .؟
زهره بـ احراج : لآلآلآ .. بس اني يعني تعودت على بيتنا واهلي وكذا ..
بس حتى لو انا ابغيك انت وحدك كلهم ماابيهم اهم شئ انت ..
عبدالله : ياقلبي انتي الله يخليك لي ..
زهره : شكلك نسيت الموضوع الضروري اللي متصل علشانه ..
عبدالله : ايه ان شاء الله انا بكرا بنزل الحساء ..
زهره : صصج الحمدلله انتبه لنفسك ..
عبدالله : ان شاء الله ..
زهره : يلا اجل اخليك مع السلامه بروح السوق بقى لي شوية اغراض ..
عبدالله : زهره احبكــ موت لاتنسيني ..
زهر ه : ماينسيني الا الموت ياروحي ..
عبدالله .. يلا مع السلامه ..
زهره : مع السلامه ..
...
بقى يوم واحد على الزواج ..
زهره خايفه واسماء صديقتها تهديها ..
عبدالله في الطريق باقي له ساعه ويوصل الحساء..
وهو يمشي بالطريق ويفكر في زهره وزواجهم ..
فجآءه شاف شاحنه كبيره متوجهه له وماقدر يتحكم بالسياره ونقلب بالسياره وتجمعو الناس عليه واتصلو على الأسعاف وبسرعه شالوه وودوه المستشفى ..
في سيارة الأسعاف عبدالله ينادي زهره ..
زهره لا تتركيني لاتتركيني انا احتاجلك لاتخليني ..
وطول الطريق وهو يردد هالكلام .. وصلو المستشفى وبسرعه ..
نزلوه من سيارة الأسعاف بس مالحق يدخل المستشفى مات وهو ينادي بأسم زهره ..

***************