[ملكوت]

الجزء الخامس ..
عبدالله وهو على البحر يفكر يقول في نفسه ..
ياترى شلون بتكون ردة فعلها لما تشوف الرساله بتتقبلها ولا لا ؟؟
والأفكار كانت تدور براسه ..
زهره تقرء الرساله وفي عيونها دموع وحيره ..
الرسآله ::..
بسم الله الرحمن الرحيم ..
بداية سطوري اتمنى ان لاتفهميني غلط وتتقبلي ابسط الكلمات ..
انا شفتج في الحلم انتي غرقانه في بركه كبيره وتناديني بـأسمي ..
و ............... الخ نهاية الحلم ..
وانا من شفتج في المطعم وانا حياتي منقلبه ومو عارف شفيني يمكن يكون اعجاب او حب ادري انج يمكن ماتتقبلين هالموضوع بس والله انا متأكد من مشاعري اتجاهك واتمنى تبادليني نفس الشعور صدقيني والله انه قصدي شريف ..
نهاية كلآمي اتمنى ان لاتنزعجي من هذه الرساله مع خالص ودي لكِ (عبدالله محمد ال .................) ..
زهره سكرت الرساله تحس انها فرحانه ومتضايقه في نفس الوقت ..
تركت الرساله بالشنطه وحارت وش تسوي اهي اصلا مو عارفه ردة فعلها كيف كانت ..
خذت الابتوب وفتحت المسن لقت اسماء شابكه ..
زهره : هلا اسسومي ..
اسماء : هلا وغلآ بالزين و شالخبار بعد الشنطه هههههههههههههههههه
زهره : ههههههههههههههههههههههههه تمامو ..
زهره : الا اقول اسوم شرايك بكرا تمريني نسهر مع بعض بكرا الخميس ومافي مدارس .؟
اسماء : وليش انتي ماتجين دايما انا اللي اجي ..؟
زهره : تكفين تكفين اسومي المره الثانيه انا اجي ..
اسماء : اوكي بقول لأهلي وارد عليج ..
زهره : اوكي انتظرك يلا باي ..
اسماء : بايات ..
بالليل الساعه 9 ..
في القهوة ..
عبدالله قال لـ مازن سالفت لقاءه ويا زهره عشان يعطيها الشنطه وسالفت الرساله ..
مازن : احس انك تسرعت ياعبدالله بالرساله ..
عبدالله : لا تسرعت ولا شئ مازن افهم انا احبها ومتأكد من مشاعري ..
مازن : طيب مدام انك تحبها وتدل بيتهم وتعرف اسمها ليش ماتخطبها ؟
عبدالله : بس انا ما ادري اذا كانت حامله لي نفس المشاعر اللي انا حاملها لها او لا ..
مازن : طيب انت فكر بــ حل عشان تتأكد مايصير انك تظل متعلق بــ اوهام وسراب ..
عبدالله : الله المعين ..
بيت زهره ..
زهره : اسماء تخيلي وش شفت بالشنطه ..
اسماء بــ حماس : شششششششششششنو ؟؟؟؟؟؟
زهره قامت تجيب الرساله وعطتها اسماء ..
اسماء : شنو هالورقه ؟
زهره : اقريها ..
اسماء تقرء الرساله وتعجبت ..
اسماء : والله وطلع شكي في محله ..
زهره : وشو شكج ماشكج ؟
اسماء : كنت متوقعه انه معجب فيج ويحبج ..
زهره بحيره : مدري شسوي ..
اسماء : شنو شتسوين اهو يحبج حرام عليج تجرحينه ..
زهره : بس شلون احبه وانا مااعرف عنه شئ غير اسمه ..
اسماء ساكته وماتدري شتقول ..
زهره : انه خايفه من هالرجال وحايره من هالحلم ..
اسماء : لا تخافين ولا شئ ترى الحب مو عيب ولا حرام اذا كان شريف ..
زهره بحزن : تدرين من اتذكر موقف يوم تطيح عيني بعينه احس بفرحه وسعاده ..
اسماء بضحك ..: ياعيني ياعيني وتقول بعد مااحبه ..
زهره بخجل : ايوه ما احبه ..
اسماء : طيب عطي مشاعرك فرصه خل تبوح باللي داخلها ..
زهره ساكته .. وتفكر ..
......................
عبدالله مشى من القهوه وراح البيت ..
وهو جالس على الكرسي الهزاز يفكر في زهره وكيف راح يكون مصيره لما تقول له انها ماتحبه ..
انا لازم اعترف لها بحبي بنفسي المفروض ماكتبت الرساله ..
خلآص راح اتصل عليها ..
اسماء طلعت من بيت زهره وراحت بيتهم توها بتدخل غرفتها الا يرن جوالها ..
اسماء في نفسها هذا رغم غريب منو متصل ..
اسماء : الو نعم ..
عبدالله بحيره وتعجب هذا مو صوتها : الو السلام عليكم
اسماء : وش بغيت اخوي منو انت ؟
عبدالله : مو هذا جوال زهره اللي شنطتها كانت عندي ؟
اسماء بتعجب : زهره لا انا صديقتها .. انت عبدالله اللي عطيتنا الشنطه صح ..
عبدالله بفرح : ايوه انا اللي عطيتكم الشنطه بس لو سمحتي اختي انا بغيت اكلمك في موضوع يخص صديقتك زهره ..
اسماء بتعجب وحست انه عن موضوع الرساله ..
اسماء : تفضل قول ..
عبدالله : انا بصراحه احب زهره واتمنى تساعديني اني اوصل لها ..
اسماء : توصل لها ..
عبدالله : لا تفهميني غلط انا قصدي حاب اعرف مشاعرها تجاهي ..
اسماء : والله يا اخ عبدالله مدري شقول لك بس زهره مو من هالنوع ..
عبدالله : تكفين اختي ساعديني والله اني صادق بحبها والله يشهد علي اني اول مره اتعلق ببنت واحب ..
اسماء : ان شاء الله انا اتصرف ويصير خير ..
عبدالله : مشكوره بس ممكن تعطيني رغم جوالها ؟
اسماء : والله مااقدر اهي مراح ترضى من دون علمها ..
عبدالله : تكفين اختي والله اني مراح ااذيها وراح اشرح لها وافهمها كل شئ ..
اسماء : طيب هذا هو ............05
عبدالله : شكرا لج ماقصرتي ..

زهره كانت مندمجه تطالع مسلسل الا يرن جوالها ..
شافت المتصل رغم غريب ماردت تركته ..
تكرر الأتصال 3 مرات وحطته ع الصامت ..
ظل عبدالله يتصل وهي ماترد ..
في النهايه ردت ..
زهره : الــو ..
عبدالله ببتسآمه وفرح وحس انه نبضآته سريعه خذ نفس وقال : الو ..
زهره بتعجب : منو انت وش بغيت .؟
عبدالله : زهره انا اللي عطيتك الشنطه ..
زهره بــ خوف : .............
عبدالله : اتمنى انج تسمعيني للنهايه وماتقاطعيني ولا تفهميني غلط ..
انا احبك وقلت هالكلمه وانا متأكد من مشاعري تجاهك والله اني من حلمت فيج وشفتج بالمطعم وانا حياتي متلخبطه و احس اني تايهه ومدري شسوي ..
زهره وهي تسمع تبكي وتدقق على كل كلمه تحس انه كلآمه طالع من اعماق قلبه .. : .............
عبدالله سمع صوت بكاء زهره : زهره ارجوك لا تبكين والله مو قصدي اضايقج وانا والله قصدي شريف واتمنى ماتزعلين مني ..
زهره بــ خوف وبكاء : انت شلون جبت رقمي ؟
عبدالله بحيره : من اسماء صديقتج . بس والله اهي بالموت عطتني اياه بعد ماترجيتها وفهمتها كل شئ ..
زهره بـ ارتياح : طيب وش المطلوب مني ؟
عبدالله بحزن وانكسار : زهره ارجوك فهميني انا احبكــ والله احبكــ
زهره وهي تبكي : بس انت خيآل انت خيال انت خيال قالتها ثلاث مرات ..
عبدالله تذكر الحلم و تعجب ..: بس انا موخيال والله مو خيال انا حقيقه
ارجوك انا محتاج لج لاتتركيني ..
زهره تذكرت الحلم وقامت تبكي : وانت لا تتركني ..
عبدالله ردت الروح فيه بفرح وماهو عارف وش يقول يحس انه بيطير من الفرح ..: والله مااتركج الا على موتي يادنيتي ..
زهره بخجل : طيب انا بروح انام ..
عبدالله بفرح : مع السلامه ..
وسكرت زهره وتحس انها فرحانه بس متضايقه ..
عبدالله اتصل على مازن وهو طااير من الفرح ..: مزوني ياقلبي انت ..
مازن بتعجب وضحك : يمه بسم الله وش فيك ..
عبدالله : تحبني .. تحبني تحبني ..
مازن : منو اللي تحبك ؟
عبدالله : زهره تحبني يامازن وتأكدت اللحين ..
مازن بفرح : واخيييرا ي عبيد واخيير تحققت امنيتك والله انك مب سهل ..
عبدالله : افآ عليك ..
مازن : بس انت شلون عرفت ؟
وعلمه عبدالله بالسالفه ..

.........

**************