تحياتي
تحياتي وسلامي للمهدي امامي
غايب حاضر اوياي بصحوتي وبمنامي
الك نبضات كلبي تعزف اشواك
وينك يا حبيببي
كل نبضه يمهدي اتصيح مشتاك
وينك يا حبيبي
نبضاتي ابوريدي يل شوفتك عيدي
حبيبي ونور دنياي يا حبي وهيامي
**
*
عجل بالفرج مشتاك اشوفك
عجل يبو صالح
دليلي ابيا متى ويلهج حروفك
عجل يبو صالح
أشواكي تناديك أمالي تناجيك
جمانة قلبي واحشاي يا كعبة غرامي
**
*
منتظرين الك اسنين وايام
يا نور البريه
من اتهل علينه انصير خدام
يا نور البريه
يالبيك اهتدينه قائدنه وولينه
أمآن وعدل مولاي يل بيك اعتصامي
**
*
عجل بالفرج مشتاك اشوفك
يا محيي الشريعه
دليلي ابيا متى ويلهج حروفك
يا محيي الشريعه
أشواكي تناديك أمالي تتانيك
تنبض اسك ادماي يا كعبة غرامي
عله دربك نثرنه ارواح يالمهدي انتظرنه
نظهر يبن سيد الناس وتشتت حزنه
يا محيي الرساله وسر النبي واله
بيك انعقد رجواي
يا بدئي وختامي
***
*
*
**
كلمات كليم الحسين بسام الشمري
ومساعدة الشاعرة الكبيره ايمان الكوفي الشمري
ومبارك عليكم مولد المنقذ الحجة المهدي عجل الله فرجه
ولا تنسونا من الدعاء