[مؤسسة كليم الحسين الفاطمية]

صبر وحجر

يلـ عندك هم وأهات أكصد القاضي الحاجات
قبره ملآذ الأنفاس

لو عندك مشكل لو أمر لا تنقهر أتحــــــــله بدروع الصبر
للمظلوم أكصد للطهر زور القبر وخلـ دمعتك تجري أبجمر
شما كانت أهمومك كثر ما يعتذر تحضه أبكرامه والـــيسر
باب الفرج باب الامل معروفه وكفاته
أيحل المشاكل وأبعجل بانت كراماته
حي على خير العمل والصبر صولاته
والصبره بارينه جعل جــــنه مناراته
بأسمه شدايدنه أتزول أشما نطلب من عندة انول
وأتسبح أبحبه الناس

من توصل تدخل حضرته يا هيبته اتحوطه الطواهر شيعته
تزهي ديارة ابقبته ومن رآيته تشفه العــــــــــلل من دمعته
يالزاير أذكر محنته وأمصيبته وعمره الحــــــزين وغربته
مسجون بحجور الاسه وأيســـــبح ايمانه
ميميز صبح من مسه وآذآنه ســــــــجانه
وهالمحبس أصبح مدرسه للباري عنوانه
هالسجن ببحوره رسه يــــــــــرتل القرآنه
أيرتل صوته الايآت للذله لا وهيهات
الذله البني العباس


باب الحوائج بالسجن ظل مرتهن والحـزن الحزنه احتزن
والشوفه احبابه يحن قلبه ويون واماله بجروحه انسبن
كل ما يمر ليل ويجن يتلاهبن دمعاته وتــــــــحفر بالوجن
متعذبه بحجور الحبس اســــــنينه وايامه
وايصبر ايمانه النفس المفجموعه با لآمه
متحمل افعال الرجس من اجــــــــل اسلامه
من سجنه المظلم نقتبس الصــبر واحكامه
حكم الظالم لا ميدوم وللعزه أيحوز المظلوم
بالهيبه ومرفوع الرآس

حاز المجد حاز الفخر هوه انتصر والظـــالم بالذله وخصر
لهل الظلم صبره دحر وشما كثر الظـــــــــلم ميحوز الظفر
وباب الفرج نور الدرر شوف الاثر مرقده ابخدامه اعتمر
ما للباري ايدوم وخلد وتتخلد احــروفه
وللكاظم الباري شهد انواره اتــــــحوفه
ميخيب الزاره وكصد والمرقده ايطوفه
اينال الرضا واكثر بعد بالحشر ميعوفه
باب الفرج باب الله ما ينسانه ولا ننساه
اقرب النه امن الاحساس


هاليلة غازينه الالم عمره انختم يا ويلي وتصـــوب بالسهم
وهالسهم مسموم وقسم قلبه وهشم بالغربه وابحجر الظلم
يالكاظم نقسم هالقسم بأسم الذمم شيـــــــــــعتك وياك وخدم
نهضتك مرسومه ابفكر تتــحده للظالم
ما همك اسنين العمر وابمنهجك راسم
منصافح اكفوف الغدر وللــظلم منسالم
وسلمنه للباري الامر الحـــــاكم الراحم
معقوده بيك الامال يم جدك كل الاعمال
واعليها الشاهد عباس

كلمات
كليم الحسين بسام الشمري
لا تنسونا من الدعاء





حديث السجن
سجنه يون من بعده ينحب ينوح الفكده
السجن يجري الدمعات وين اليـــــــــرتل أيآت
وين الي صوته مفجوع بأسم العزيز ومسموع
طهرني نورة وصوته ليش أخــــــــتفه ياقوته
وين الي ليــــــــله وأنهار راكع ســـــــــاجد للجبار
وأبسجـــــدته المعروفه يحضن ترابي أكفوفه
ما اكدر آنه ابلاياه ما مخلوق آنه لو لآه
أحجاري أتسبح بأسمه أحجاري بعده ظلمه
أتسبح أرسومه الرحمان متعوده الصوته الجدران
وين أختفه هذا الصوت أتمـــــنه آنه التابوت
جسمه أحضنه أشتمه وأتشرف ألهج بأسمه
ماتت أمالي وياه هالراهب لا ما انساه