[مؤسسة كليم الحسين الفاطمية]

آنه ملكك
آنه عبدك آنه ملكك آنه كلي أبــــــــين أيديك
بأسمك أيردد ظميري روحي ما أعزها عليك

عابس أنجن ابغرامك وآنه بالعابس فنوني
جامعة أشواق أسس منها يتخرج جنوني
عابس أنجن بالحسين
وآنه مــــــنجن بالثنين
ذوبت كــــــــل السنين
بيك يا نــــــور الأمين
آنه عبدك آنه ملكك آنه كلي ابين ايديك
العشق كالوا مراحل كلت للمعشوق اواصل
كالو المن عشك كلبك كلت لحسـين وأباهل
كالوا احسيـــــنك بعيد
كلت لا وســـط الوريد
ماضي كالولي وشهيد
حي كلت ماضي وجديد
آنه عبدك آنه ملكك آنه كلي بين أديك
ما أريد العمر بعدك عمري بعدك ما أريده
أنت امآلي الحبيبة وانت أفراحي الجديده
آنه خــــــادم وأفتخر
الــــك يا روح العمر
الحامي انت والضخر
الي في يـــــوم الحشر
آنه عبدك آنه ملكك آنه كلي بين أديك
أنسه عمري أنسه روحي يا حبيبي وما نسيتك
أشلون أنسه وانـــته خلي والقلب يالغالي بيتك
انت الي مـــعنى الحياة
انت الي فرض وصلاة
انت الي مـــــال وزكاة
انت الي رحــمة ونجاة
آنه عبدك آنه ملكك آنه كلي بين أديك
آنه عبدك آنه ملكك وآنه خــــــــادم لليخدمك
ولو ردت شاهد حبيبي القلب مو عندي يمك
بالقلب حـــــــــبك قريب
للمحب انــــــت الحبيب
حسين ياعشقي المهيب
عـــــن عيوني ما يغيب
آنه عبدك آنه ملكك آنه كلي بين أديك
أمن المهد آنه عشكتك وللحشر باقي وأحبك
ما ألي غيرك وسيلة ياحـــبيبي ودربي دربك
حسين يا أقدس غرآم
حسين يا أعذب كلآم
حسين يا روح السلآم
حسين يامعنى الـوئآم
آنه عبدك آنه ملكك آنه كلي بين أديك

القصيدة
http://www.gulfup.com/X6p8cdol3i8k0
من اصدار
فرحة الموالي الجزء الرابع
حيث تم
تسجيل المقطع الاول والثاني فقط
لا تنسونا من الدعاء