ابقلبي ابقدومك فرح لا مابقت والنبي
كل طيب الي حظر قدوه ومثل النبي
هالليلة وبهالفرح كلمن يشارك نبي
مشكور يا صاحبي ابجيتك الليله علي
مرتاح أنه ابجيتك اشما كان همي علي
ادعيلك امن القلب ايحفظك امامي علي
امن احضرت بيتي اصبحت بين الورد زهره
والدارنه امن اوصلت ليها اصبحت زهره
مسجل الك هالاجر عد فاطمه الزهره
تعرفها يوم الحشر ابوكفتها ام الحسن
وكاس الك من حيدره ابكوثر شفافك حسن
جي لن توالي علي واعظاك كلها حسن
اليلتزم هالدرب انفع اله وحسين
اليخدم العتره صدك وابخدمته يحسين
ولسانه يلهج بظل بسم الغريب حسين
لليخلص ابخدمته دربه انفرش سجاد
وايصوم شهر الفرض وبكل وكت سجاد
للجنه يدخل سوه ويه علي السجاد
من النبي هالخبر بيه التزم باقر
ليهمك الجو حمه لو لا تحس باقر
يتصدق وما يمل امحمد الباقر
منقول هذا الخبر والي نقل صادق
ايعوضه الجليل اللذي من يمنته صادق
هذي الروايه نقل عن جعفر الصادق
رابح اللي مهتدي ومن خبزته كاظم
يتسامح اويه الاخو غيضه عليه كاظم
يقتدي اباب الفرج قدوه اله الكاظم
ويعامل الناس بالطيب ولطف والرضا
يحكي ابكلام السمح ابلهجت محب والرضا
ايجازي الباري الصبر حجه ويزور الرضا
واللي يعيش ابعقل ينقال اله ابن جواد
الله خلق هالبشر بيها احسن واجواد
ناخذ دروس وعبر من محمد الجواد
صير ابحياتك عزيز وللطبع هادي
لليجهب اشما طلب تنطي واله هادي
مقبول الك كل طلب ايعوضك علي الهادي
اويه الجار لو عاتبت خلي كلامك حسن
واللي الباري اكرمه لرحامه كون ايحسن
ابطبع الامام اقتدي بالعسكري الحسن
واللي تبع دربهم الله اله مهدي
حبهم ابقلبي كبر وياي من مهدي
تجعلنه يارب سوه انصار للمهدي
من يظهر وينتصر بوجوده دين النبي
كليم الحسين بسام الشمري
نسالكم الدعاء