[الوهيج الأخضر]

طلعنا من دهاليز هالغابة وحنا نذكر رب العالمين ونتفكر


ما درينا الا وحنا بوسط الشارع






درعمنا .. يعني انطلقنا على وجوهنا لا نعلم اين السبيل أو الجادة










وسبحان من يهب الجمال في كل شيء


والله حتى شوارعهم تفتح النفس


ودك بكوووخ .. وخلاص تصير بيتر .. وام محمد هايدي .. وحمودي صرفه .. خخخخخخخخخخ


بس ما عليكم ... حمودي بيدبر نفسه .. ويصير شي رهيييب .. بس عطوه فرصه


ــــــــــــــــــــــ



طبعاً بدأ الطريق بالارتفاع .. مع شوي مشقة


لكن مع هالمناظر .. والله تنسى كل تعب


ولا تظنون أني ابالغ .. لكن هذي مناظر جديدة على اخوكم







تلوموني











وجميع هذه المشاهد هي لشاطئ الكامالا






حيث يتوفر فيه معظم خدمات الترفيه .. ما عدا الباراشوت (( عجزت احصله ))









طبعاً بعد ما اخذ التعب مني ومن العائلة ما أخذ


قررنا نركب توصيلة الى منطقة المسلمين على شاان نشوووف ايش الهرجه في منطقتهم


لأنها منطقة ما احد م زوار بوكيت تعرض لها .. لا من قريب ولا من بعيد


وهذي صورة للرحال السعودي .. محمد بن خالد .. على ظهر التوصيلة .. ويطل على شاطئ جميل في بوكيت





وصلنا لمنطقة المسلمين


الواقعة على شاطئ بانق تاو Bang thao وما ني متأكد من الاسبلنق


لكن تفاجأنا أيما مفاجأة


ترحيب حااار حاااار جدا بالعبائة واللحية .. من المسلمين هناك

وبدأوا يدعوونا


وبدون مبالغة أنهم يقوومون من أماكنهم ليسلموا علينا


.. وفي هذي الاثناء سألتهم عن مسجد لأني بصلي الظهر والعصر


وعلى طوووول أخذوني الى المسجد


وكان فيه مجموعة من الشباب .. واضح انهم جماعة المسجد أو حلقة تحفيظ


على طووول طلعوا برا المسجد علشان تدخل زوجتي وتصلي


وسألتهم عن مكان الوضوء .. وكان متوفر مع دورات مياه اعزكم الله


كلوووو تمااااام التمااام






من داخل مسجد المستقيم






الشيخ أمين .. واحد الشباب من حلقة المسجد .. الاخ قاسم








وهذا الاخ سليمان .. طلبت منه أنه يكتب لي مواقيت الصلاة في بوكيت






بعد ما أديت الصلاة عندهم .. عزموني على (( الطعام )) على قولتهم


طبعاً اللغة العربية عندهم ضعيفة .. وكذلك الانقليزية


وجاء شاب يبي يصلي ... بس شكله زكرت .. وكان وسيط ترجمه بيني وبينهم

وسألتهم عن الاوضاع في منطقتهم وكيف العيش


وعرضوا علي أني اجي وأقيم عندهم لكثرة توفر المطاعم الحلال .. وتدني اسعار الايجارات مقارنة بالشواطئ الاخرى


وجاء واحد قريب منهم واسمه عمران .. يمتلك مكتب سياحة وارض .. باني عليها كوخين زي الحلاة






عرض علي السكن بالكوخ بـ 1000 بات لليلة


وقعدت أقلبها براااسي .. كثيييييييييييييير



قلت ما يخالف اشوفها من جوا






الصراحه .. حلوه ونظيفه .. ومستقلة .. مكيف سبلت .. حمام متكامل أعزكم الله (( برشاش )) لأن الرشاش نادر الوجود في تايلاند


خدمة شاي وقهوة على حساب الغرفة



كلووووو تماااام


طيب خلوني اشوف غيرها


ووروني كثييير


وبأسعار .. ما تتجاوز 1500 بات



وهذي صورة لبانقلو أو أكواخ بشكل آخر







الصراحة .. بعد هالزيارة ... قررت يكون مكان التجديد عندهم لليلتين


ونشوووف بعدين


ــــــــــــــــــــــ


طبعا بعد ما استمتعت بزيارة الشباب المسلمين .. وطبعا معظمهم يمتهن صيد السمك


أتجهت الى شاطئ البانق تاو Bang Tao


والصراحة شاطئ متكامل الخدمات





وجميل






ويتوفر فيه معظم وسائل الترفيه (( ما عدا البراشوت )) عجزت احصله خخخخخخ






وحقيقة سحرني هدوء هذا الشاطئ






صح الناس تسبح وهيصه .. بس أحسه هاااادئ






وبرضوا أخذنا لفة كعابي على الشاطئ ..





في غاية الروعة حقيقة







طبعا كأن الجو بدأ يتغير .. زي ما تشوفون .. خلال اقل من نصف ساعة تقريبا


طبعا رحت ادور توصيلة





والطيب هذا يقول تبون أوديكم بالقارب حقي


ترااااني سرييييييييييييع


قلت طيب احترني هنا


ودخلت من الشاطئ على الشارع


علشان أدور تاكسي


ولاحظنا كثير من الحياة البسيطة للتايلانديين ..وخصوصا المسلمين منهم







راعي بقالة .. مسلم






ركبنا تاكسي ... بـ 400 بات من البانق تاو Bang tao الى الكامالا


وكان هذا المشهد المهيييب للغيم


وكأنه سيلتهم الأرض






وحاولت أقرب الزووووم



سبحاااان الله



تحس برهبه عجيييبة .. وخصوصا مع صوت الرعد






وبحمد من الله وصلنا للكامالا






وعلى طوووول على الشارع الرئيسي ندور مطعم


وطحنا في ذاك المطعم الخطيييييييييييير


طبعا على طووول سألته عن الاكل حلال


قالي معظم العاملين عندي مسلمين


يعني ما تخافوش


جلسنا على الطاولة مطلة على البحر


وخذ يا تصوير










ومن زاوية مغايرة





وتلاحظون في وسط الصورة .. البازار الليلي اليومي في شاطئ الكامالا


ــــــــــــــــــــــــــــ



وطبعاً على وقع زخات المطر


وعلى ترانيم طيور البحر


نسج الغروب .. حكاية الاصيل


وأغرق الوجدان .. بصوووت النحيب


يبكي على الايام .. كأنها المطر


في سرعة تسير ... بخطوة القدر



حتى تكون في الاعماق .. وينتهي السهر


أهزوجة البحر .. اهزوجة البحر





















أنعم الله عليكم


تعطشينا ودقينا بالنعمة وكلوووو ... 700 بات


يالله تديم هالنعمة علينا




وطبعاً عرضهم يومي وطازج .. ومعظم مطاعم بوكيت على هذي الشاكلة





إنطلقت بعدها الى مكتب سياحي


واسمه مصطفى .. ومسلم طبعا




حجزت من عنده على عرض الفانتازيا الشهير في بوكيت


وايضاً رحلة من الغد الى جزيرة جيمس بوند الشهيرة أيضا


وكانت الأولى بقيمة 2600 بات بدون عشاء (( حمودي هدية ما حسبه ))

والرحلة الثانية شاملة الغداء بـ 3500 بات (( وحمودي مش هدية ))


وقال خلاص روحوا البيت وتجيكم زوجتي توصلكم الى الفانتازيا



وبعد تقريباً ساعة


جاتنا زوجة السيد مصطفى


وقالة يله .. وحمودي يسألني .. بابا من اللي بيسوووق انت واللا هي

قلت له لا هي ..


قال طيب .. من وين تسووق من قدام .. والا تركب وراء زي ماما خخخخخخخ

فضحتنا يالقروي ما عمرك شفت حرمه تسوووق


ماش .. الرجال موب مقتنع ان الحرمه تسوووق فينا .. يمكن حس بالاهانه وليدي خخخخ


عادي عادي ارفع راسك وانا ابوك



وهنا عزيزي المشاهد .. يبدو الاستاذ الرحال : محمد بن خالد .. يتابع اول مشهد بحياته لمرأة تقود السيارة