[مؤسسة كليم الحسين الفاطمية]

مولى الحـــــب



يا علي وياك من المهد حد اللحد
قلبي يـهواك ما يـحب غيرك أحد
قلبي انته يلــسكنته



آنه عاشك آنه مــــغرم جيت أبارك كل غالي
علي للأمه فتاها ومــــــولى للحب والموالي
علي بس الله يعرفه والنـــبي وسره الجلالي
علي والي يبقه عالي من العلا يا علي عالي
علي دسـتور واجب اتطيعه الملا
بحر من نور ومنه مـتنوره العلا
قلبي انته يلــسكنته



جنه الجنـــه وجودك يا علي وأروع جنان
للشمس أسمـــك ظواها وللقمر انته البيان
فضلك أنته عالبرايا رحمة تزهي بكل مكان
أنته كضاي الحــــوائج وللفرج انته الأمان
مــلك الارواح بـــس الك تحله الرآسه
وأعظم أسلاح وانت سر هاي القداسه
قلبي انته يلــسكنته


يا ضميري ويا نصيري وعالقلب حبك أمير
المحمد انته هيبه وصرت اله روحه وبشير
دمي انته الساري بيه ويا شهيقي والزفير
واحلى كلمه بيها قلبي يا علي من يستجير
نور الأعيون يا علي انته أصبحت
سر الأجنـون سره حــبك أسسست
قلبي انته يلــسكنته



يا مناجاتي ورجــــــائي علي يا سر الرجاء
الله خصك هالــــــــمكارم بيك يقبل كل دعاء
من أذكـرك روحي طابت يا ذكر رب السماء
انته أعذب كلمة أســـمك وانته يا نية صفاء
وأعذب أحساس للعشك انته العشك
وهاي الأنفـــاس في غرامك تحترك
قلبي انته يلــسكنته



يا امامي ظل هيـــــــــــامي بيك ذايب والغرام
طارت الروح بـــــسمائك ونزلت الدارك حمام
أتوضت الروح ابــــغرامك وصلت ابحبك تمام
وسجدت الأسمك تناجي وسبحت بأسم السلام
يا قيـــامي ويا صلاتي وسجدتي
يا صيامي يا عمـــــرتي وحجتي
قلبي انته يلــسكنته



من أذكرك اذكر الله وأذكـر الهادي الرسول
لأن أسمك صرخة الحق بيه متثبته الاصول
سيفك الحق والمناصر وعلمك أيهدالعضول
أسمك الخالد تطرز بالــــــعلى أباربع فصول
انته صيفي يا شتــائي والربيع
يا خريـــفي ورقتي بأسمك تذيع
قلبي انته يلــسكنته





ونسالكم الدعاء

كليم الحسين ملا بسام الشمري