السلام عليكم
اهدى قصيدتي هذه الى كل الامهات الصابرات,ويارب احفظ كل ام تعبت وسهرت وربت,والقصيدة من كتاباتي.
اتمنى ان تنال اعجابكم
مقصر والله كلش بيش اجازيج ** وبياوصف يمة اكدر اوصفج
أنتي الدنيا كلهة وانتي تاج الراس **وصبر الكون مايوصل الصبرج
أنتي بلاية شك خصج آله الكون ** قيمة التعبج ومنزلة القدرج
هدالج جنتة وهذا الج تقدير ** ورسولة الوصة بيج وكال عنج
(أمك ثم أمك ثم أمك) كال ** يعني شكد عظيم بهذا حقج
ربيتي وتعبتي ويانة يمة هواي ** مشكورة ييمة بهذا تعبج
تبقين أنتي أمنة وشمعة البيت ** وخيمة أعلينة انتي وغالي أسمج
وأنة اشسويت احس مقصر وياج ** اعذريني ييمة أطلبهة منج
بس كلمة أكولن ردت الج هاليوم ** أحبج والله يايمة أحبج
