[مؤسسة كليم الحسين الفاطمية]

وهذه قصيده كتبتها بحق الشهيد آية الله السيد جعفر بحر العلوم قدس سره
وهي قصيده تشرح بأختصار صفات وسيرة السيد الشهيد



تنوح وتون أحباب يا شمعة المشخاب
من غيبتك لليوم حارب عيوني النوم

جعفر أبدلآلي عايش وتنـبض أشواكي بحروفه
مرقده وداره ومزاره بالقـــــــــلب والدم يطوفه
ما يفارك عيني رسمه ولو غفت روحي تشوفه
سيدي وهيبة دياري والابه والـــــــــعز يحوفه
من أشرف الأحساب من أطهر الانساب
شمعة وزهت بنوار من جده حامي الجار



ما أغالي ولا أكابر من أقـــــــــــدم هالوثيقه
هذا حسبه وهذا نسبه وهذا منهاجه وطريقه
العدل دربه وثباته والصــــــدق أصبح رفيقه
والسماحه والشجاعه والتواضع ظل صديقه
عالذله لا ما نام ولا صافح الظلام
حارب زمر كفار منتميه حزب العار



جعفر أصبح للحوائج عاصمه ودار ومدينه
رحمة الهادي ووصيه وكوثره ورثت يمينه
وكفه ماعون اليتامه للكــــصد هالكف يعينه
هيبته ونوره وجماله أيطيب الروح الحزينه
والعِمّه فوك الرآس كلها آبه وأحساس
تحله واله أوسام عِمّة علي الضرغام



ثوري نهجه وللقياده أتلوك اله وتحله الزعامه
أبمبدأ ومنهج حسيني حارب الطـــاغي ونظامه
وغيرته أتعيش أبكيانه وعالظــلم شاهر حسامه
هذا ابن نور الصمــــــــيده هذا ابن نور الامامه
منهجه لا هيهات عالذله لا منبات
ثورة شرف من قاد دمر زمر ووغاد



آية الله الغالي جعفر الهاشـــمي أبن الهاشميه
ما يفارك لحظه بالي رســمه وأسمه وحبه بيه
عايش وساكن عيوني أكبالي كل صبح ومسيه
أرتده أثواب الشــــهاده وأخذت الشخصه تحيه
جعفر أبد ما مات أسمه سكن بالذات
ويـ دمنه صار ايحوم مو لحضه لا بل دوم


ورايته بالعز بعدها أترفـــــــرف أبأسم الممجد
من بعد قبضة يميــــــــــنه أندارت الأبنه محمد
تنتكــــــــــــــــس حاشه وعليها قل هو الله أحد
رآيه حملــــــــــــتها الهواشم والقلب الها تجنّد
نفدي المهج وألروح وبالقمه تبقه أتلوح
بيها النصر مرسوم رآية بحر العلوم
الفاتحه لروح الشهيد آية الله السيد جعفر بحر العلوم قدس سره

كليم الحسين بسام الشمري