يا رمضان يا رمضان شهر الطاعة والغفران
شهر الله رحمه النه اشما نطلب ونتمنه
آنه وانت يا أنسان خطار أبشهر الرحمن
صوم أعبد ربك صلي والصفحة ذنبك أجلي
أقرأ الـــــــقرآن ورتل آيآته وبيـــــها أتحلي
شهرالله رحمة أصيامه وأفضل أيام أيامه
تكفيك أبشهر الديان خطار أبشهر ألرحمن
شهر الله رحمة أسراره أتسود الشهور أنواره
كل عمل بيه يتضاعف والـــــــرب كارم خطاره
شهر الله وبيه أتنزل قرآن الهادي المرسل
أقرأ بأسم الله المنان خطار أبشهر الرحمن
شهر الله بيه الأنفاس تسبيح الرب هاي الناس
بي ليله أبالف ليله بالدنـــــــــيه وسرها تنقاس
وأبنصفه أعظم رحمه ميلاد السر للعصمه
للحسن أعظم عنوان خطار ابشهر الرحمن
أبشهر الله أيرف علمنه ينجـــــــــمع بيه أملنه
أول جمعه بالاســــــــحار وبفطوره ألتم شملنه
لا تشرب نمسك بيها وهاي الصرخه انواليها
وبالمغرب فرحة أذآن خطار ابشهر الرحمن
ساعاته افضل ساعات تتنزل بيها الرحمات
واللوعه بينه تنــــعاد بأيامه الأخر دمـــعات
انهل الدمعه ونتعبر بمصاب الوالي حيدر
وتتنازف بينه الاحزان خطار ابشهر الرحمن
وأخر أيامه أنشاهد فرحة أعـــــــــياد وفاكد
فرحان الصام أبعيده صائم للصام أيـــــــعايد
والوحشه اتعود أعلينه أنودع شهر بارينه
وندعوه ينعاد بأحسان خطار ابشهر الرحمن
ونسالكم الدعاء
كليم الحسين بسام الشمري