[سيهاتي....]

هلا وغلا

اللهم صلي على محمد وال محمد


بلا ماي

اداء : سيد بدر الكاظمي
الشاعر : د. عبدالله السقاي
الهندسة و التوزيع : سيد محمد الكاظمي
مخطوطات : حيدر المعاتيق
تصوير فوتوغرافي : عيسى الصراف
فريق العمل : (لبنان) مهدي صبوري
(الكويت) wide angle

Color grading : علي الخميس
Edit : ehmët özel
تنفيذ : محمد البلوشي

---------------------------------


••••••
يبو فاضل يمن عند الشدد نِنخاك
نِقبّل يمنتك يالكافل اُو يسراك
الْخِيَم هاي ، بِلا ماي ، شنو الرّاي ، يوفّاي
•••
جينه اِلخيمتك .. نعرف شيمتك
غيرك إلمن اِنمد چفنه بالآمال
ندري اِبغيرتك .. واِحنه اِبجيرتك
عذّبنه العطش يا عمنه واِحنه اَطفال
كلمةْ ماي صعب تنگال
ما تقبل تِشوف الضّجه بالخيمه اِعله هالحال
.
نِعِرفك إنته عمنه اُو جينه نِترجّاك
نِشوف الغيره يا بو فاضل اِبعيناك
الْخِيَم هاي ، بِلا ماي ، شنو الرّاي ، يوفّاي
•••
هاي العايله .. وِصْلَت كربله
بس باِحمايتك يا كاشف الشّدّات
ذوّبنه الظمه .. والمدمع همه
نْأشّر عالنّهر واِنبحّت الأصوات
ما ننظام يبو الكلفات
نِلْثِم چفّك اِتخلّصنه من هاي المُعاناة
.
إذا طيفك ظهر منهو اليغيث اِعداك
يعوفون النّهر لو رف عليهِ اِلْواك
الْخِيَم هاي ، بِلا ماي ، شنو الرّاي ، يوفّاي
•••
نشعر بالخطر .. مشبوح النظر
صوب المشرعه اُو نتأمل اِلْنه اِتعود
خاطرنا اِنكسر .. يا عمنه الگمر
نبگى اِبلا عمَد لو صوّبك عامود
عالچفّين دمعنه اِيجود
فدوه اِنروح اِلك يا صاحب الجود اِحنه والجود
.
نعم ردنه تجي اُو ماي النّهر ويّاك
ولكن هالعذِب مو أغلى منّ اِدماك
الْخِيَم هاي ، بِلا ماي ، شنو الرّاي ، يوفّاي


للمشاهدة



للتحميل
https://g.top4top.io/m_206962m0r1.mp3

الرجاء الضغط على اعلانات المنتدى لدعمنا للاستمرار

والقادم اجمل