[M-Al-Karbalaei]

لعيد مجبل والحزن زايد عليه
وعاينت دار المرتضى منه خلية

⚫️⚫️⚫️

فقد الابو نغّص علينا بهالسنة العيد
ومن الصبح باجر عليه احزاني تزيد
نبجي ونلطم والبجا واللطم ما يفيد

نشبت مخالبها بحشاشتنا المنية


⚫️⚫️⚫️

محلى الأبو في العيد لو جمّع أولاده
لبّسهم الزينة على جاري العادة
رفرف عليهم بالهنا طير السعادة

يطيب القلب وتصير عيشتهم هنية


⚫️⚫️⚫️

والله لَأگضي العيد كله بنوح وصياح
ولحد يجيني من أهل الكوفة بالأفراح
عندي مصيبة يا خلق عني الفرح راح

زادي البجا والنوح وعباراتي الجرية


⚫️⚫️⚫️

وتهيج احزاني عليه خطبة العيد
باجر تمر الخلق كلها المسجد تريد
ولا شوف وياهم علي واحزاني تزيد

ويذوب جسمي ولا تظل بيه بقية


⚫️⚫️⚫️
قصيدة: #الأبو_في_العيد

الميرزا #محمد_الخياط
كلمات المرحوم #ملا_عطية_الجمري



#قصائد_مكتوبة


✔️ https://t.me/alkhayyat_fans

✔️ https://www.instagram.com/alkhayyat_fans

✔️ https://t.me/alkhayyat_fans_for_poems
.